2019-09-02 07:15:15

شه‌فه‌ق نيوز/ چه‌كداره‌يليگ له‌ ريكخرياگ تيرۆريستى داعش په‌لاماريگ ئه‌نجام دان ئه‌را بان "سرايا ئه‌لسه‌لام" باڵ سه‌ربازێ سه‌ر وه‌ ره‌وت سه‌درى له‌ شار سامه‌ڕا ك هه‌ردوگ مه‌زارگه‌ى گرنگ شيعه‌ له‌خوه‌ى گرتگه‌.

 

وه‌گووره‌ى سه‌رچه‌وه‌يگ وه‌رپرس ئه‌منى، ريكخرياگ داعس په‌لامار ليواى 313ى سه‌ر وه‌ سرايا داگه‌ له‌ ناوچه‌ى متێبجه‌ له‌ سامه‌ڕا و دوياخريش جه‌نگ سه‌خت له‌ناونيان هه‌ردوگلا به‌رپا بويه‌.

 

سه‌رچه‌وه‌گه‌ يه‌يش ده‌رخست له‌و په‌لاماره‌ يه‌ك كه‌س له‌ سرايا ئه‌لسه‌لام كوشياگه‌و چوار كه‌سيش زه‌خمدار بوينه‌.

 

جى باسه‌، يه‌يش له‌وه‌ختيگه‌ سه‌رايا ئه‌لسه‌لام له‌ به‌ياننامه‌يگ ئاشكراى ئه‌وه‌ كرد له‌ ليواى ناوبرياێ له‌ حه‌شد چه‌ن كه‌سيگ كوشيانه‌، له‌ناونيشانيش سه‌ركرده‌(جه‌مال ئبراهيم دلێمى) له‌ كه‌رت فه‌رمانده‌يى سامه‌ڕا.

}