2019-01-06 17:23:00

شه‌فه‌ق نيوز/ ئاژانس كۆمار ئسلامى ئيرانى ئه‌وه‌ ده‌رخست ك زه‌ويه‌له‌رزه‌يگ له‌ناوچه‌يگ له‌ خوه‌رئاواى ئيران له‌نزيك مه‌رزه‌يل عراق بويه‌سه‌ هووكار زه‌خمداربوين نزيكه‌ى 31 كه‌س ك زوورميان زه‌خمه‌يليان سووكه‌.

 

له‌ى باوه‌ته‌و، ده‌سه‌ێ ئامار زه‌ويناسى ئه‌مريكى له‌ سه‌ره‌تاوه‌ وت: هيز ئه‌و زه‌ويه‌له‌رزه‌ ره‌سيه‌ 5,9 پله‌ى ريخته‌ر، وه‌لێ دوياتر بويه‌سه‌ 5,5 پله‌ى ريخته‌ر.

 

له‌ى باوه‌تيشه‌و، موجته‌با خالدى قسه‌كه‌ر وه‌ناو خزمه‌تگوزاريه‌يل ته‌وارێ له‌ ئيران ئه‌را ئاژانس ناوبرياێ وت: 29 كه‌س له‌و زه‌خمداره‌يله‌ له‌ نه‌خوه‌شخانه‌ ده‌رچينه‌ دوياى وه‌رگرتن چاره‌سه‌ر له‌ئاكام ئه‌و زه‌ويه‌له‌رزه‌ ك له‌شار گه‌يڵان خوه‌رئاوا له‌ پاريزگاى كرماشان كه‌فته‌و، ك دوياى ئه‌ويش وه‌ شيوه‌يگ يه‌واشتر له‌ عراقيش روێدا.

YesIraq