2019-05-22 08:49:19

شه‌فه‌ق نيوز/ ليژنه‌ى نه‌فت و غاز له‌ ئه‌نجومه‌ن نوێنه‌ره‌يل عراقى، ئاشكراى مه‌شقكردن فشار كرد له‌بان عادل عه‌بدولمه‌هدى سه‌رۆك ئه‌نجومه‌ن وه‌زيره‌يل له‌وه‌ر ئه‌وه‌گ عه‌بدولمه‌هدى يه‌كه‌م هه‌ڕه‌شه‌ ئاراسته‌ى هه‌رێم كوردستان بكا له‌حاڵه‌تيگ ئه‌گه‌ر ئه‌و بڕه‌ نه‌فته‌ راده‌س نه‌كا وه‌رانوه‌ر وه‌ داين مووچه‌ى كارمه‌نده‌يل هه‌رێم و هه‌قده‌سه‌يل تر وه‌گووره‌ى بودجه‌.

 

له‌ى باوه‌ته‌و، رووژنامه‌ى شه‌رقولئه‌وسه‌ت له‌ شماره‌ى ئمڕووى له‌ زووان سه‌رۆك ليژنه‌ى نه‌فت و وزه‌ له‌ په‌رله‌مان وت: ئه‌وه‌گ له‌ سه‌رۆك وه‌زيره‌يل ده‌رئه‌چێد له‌ ئه‌نجام فشاره‌يليگه‌ له‌لايه‌ن ئيمه‌وه‌ له‌ لژينه‌گه‌و له‌ په‌رله‌مان، وه‌تايبه‌ت ئى مه‌سه‌له‌ نه‌بايه‌د بيده‌نگ بوێد له‌لێ و چه‌وه‌ڕێ بكريه‌ێد له‌وه‌ختيگ ك ريككه‌فتن كرياگه‌ له‌بان راده‌سكردن نه‌فت وه‌رانوه‌ر داين هه‌قده‌سه‌يل و مووچه‌ى كارمه‌نده‌يل له‌ ياساى بودجه‌.

 

جى باسه‌، سه‌رۆك ليژنه‌ى ناوبرياێ هه‌ميش وت: ئيمه‌ كتاو فه‌رمى ئه‌را هه‌رێم و لايه‌نه‌يل په‌يوه‌نديدار كلكرديمنه‌و له‌وانه‌يش وه‌زارت دارايى ك هه‌قده‌سه‌يل ره‌وانه‌ ئه‌كا وه‌ شيوه‌يگ ئاسايى وه‌بى ئه‌وه‌گ ئه‌و ريككه‌فتنه‌ له‌ نه‌فت جيوه‌جێ بكريه‌ێد ك ئه‌ويش راده‌سكردن 250 هه‌زار به‌رميل رووژانه‌س، له‌وه‌ختيگ ك كورد رووژانه‌ 480 هه‌زار به‌رميل رووژانه‌ هه‌نارده‌ ئه‌كه‌ن.

YesIraq