2019-09-20 09:23:01

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل ئاماده‌ى كۆنگره‌ى پيشه‌سازى جه‌هانى 2919 بوێ ك ئمڕوو كاره‌يلێ ده‌س وه‌پيكرد له‌ شار خيفى له‌ چين ك له‌بان داوه‌تنامه‌ى لى كيشيانگ هاوتا چينيه‌گه‌ى سه‌ردان ئه‌و وڵاته‌ كرد.

 

كۆنگره‌گه‌ وه‌ وته‌يگ سه‌رۆك چينى واز كريا ك راوێژكار ده‌وڵه‌تى له‌جياى پێشكه‌شى كردو دوياى ئه‌وه‌يش وته‌يگ له‌ حاكم ناوچه‌ى خيفى پيشكه‌ش كرياگه‌و له‌تى خوه‌شاڵى خوه‌ى وه‌ ئاماده‌بوين عادل عه‌بدولمه‌هدى سه‌رۆك ئه‌نجومه‌ن وه‌زيره‌يل ده‌رخست.

 

دوياى ئه‌وه‌يش عه‌بدولمه‌هدى وته‌يگ پيشكه‌ش كرد و له‌تى وت: عراق ئمڕوو له‌ هه‌ر وه‌ختيگ زياتر هه‌وه‌جه‌ وه‌ پته‌وكردن په‌يوه‌نديه‌يل ديرێد وه‌ل وڵاته‌يل ئاسيايى كاريگه‌ر و وه‌ل وڵات چين وه‌تايبه‌ت وه‌و شيوازه‌ ك عراق ئه‌خوازێده‌ له‌وه‌ر هاوردنه‌وه‌ى رۆڵ كاريگه‌رى له‌ ناوچه‌گه‌.

}