2019-12-03 08:48:13

شه‌فه‌ق نيوز/ وه‌رپرسيگ له‌ كۆمپانياى كى ئاشكراى ئه‌وه‌ كرد ك فراوانبوين وه‌ داين ئه‌لكترۆنى گاميگ گرنگه‌ و پشتگيرى له‌ ريڕه‌وه‌يل خاسسازى ئابوورى و ئاراسته‌يل هه‌ڵسيانه‌وه‌ى ئابوورى ئه‌كا.

 

سه‌رچه‌وه‌گه‌ وت: پشت به‌سانن وه‌ داين ئه‌لكترۆنى له‌ گشت كاره‌يل دارايى قانجازه‌يل ئابوورى ره‌سنێده‌ گه‌ورا وڵاته‌يل و ريڕه‌و دارايى وه‌ره‌و ئاراسته‌يگ ئه‌مان به‌ێد دوير له‌ شبوازيل وازى وه‌پيكردن.

 

سه‌رچه‌وه‌گه‌ هه‌ميش وت: فراوانبوين له‌ داين ئه‌لكترۆنى ماناى زيايبوين هه‌ل كار راسه‌وخۆ و ناڕاسه‌وخۆس ئه‌را چينيگ فراوان له‌ جايه‌ڵ جوانه‌يل.

 

جى باسه‌، دكتۆر مزهر محه‌مه‌د ساڵح ئابووريناس، ئه‌وه‌ ده‌رخستگه‌ ك پشتبه‌سانن وه‌ موورپه‌نجه‌ له‌ داين ئه‌لكترۆنى گاميگ گرنگه‌ و ئه‌مانتره‌ له‌ داين ئه‌لكترۆنى، يه‌يش ده‌رخست ك موورپه‌نجه‌ ده‌سميه‌تده‌ره‌ ئه‌را ريگرى له‌ ساخته‌كارى.

FaceIraq
}