2019-01-24 08:18:00

شه‌فه‌ق نيوز/ وه‌زاره‌ت خارجيه‌ى كۆرياى باشوور, ئاشكراى ئه‌وه‌ كرد ك حكومه‌ت خوازياره‌ شانديگ تايبه‌ت ئه‌را موباره‌كبايى ره‌وانه‌ى عراق بكا وه‌بوونه‌ى ده‌سوه‌پيكردن حكومه‌ت تازه‌ له‌ عراق و وه‌ بوونه‌ى سييه‌مين ساڵ په‌يوه‌نديه‌يل دبلۆماسى ناونى هه‌ردوگ وڵات.

 

له‌ى باوه‌ته‌و، ئاژانس يونهاب كۆرياى باشوور وت: ئه‌و شانده‌ وه‌ سه‌رۆكايه‌تى هان بيونج دۆ راوێژكار تايبه‌ت وه‌ دبلۆماسيه‌ت وه‌ل عراق ئه‌دێ و پيكهاتگه‌ له‌ وه‌رپرسه‌يل حكومى له‌ وه‌زاره‌ته‌يل خارجيه‌و دارايى و جيوازكردن و ئدارى پرووژه‌يل سه‌ندن هه‌وه‌جه‌يل سه‌ربازێ و نوێنه‌ره‌يل كۆمپانياى هيونداى و كومپانيايه‌يل تر كاركه‌ر كۆرى له‌ عراق.

 

جى باسه‌، حكومه‌ت تازه‌ى عراق وه‌ سه‌رۆكايه‌تى عادل عه‌بدولمه‌هدى سه‌رۆك وه‌زيره‌يل له‌ ئوكتۆبه‌ر ساڵ گوزه‌يشت ده‌س وه‌ كاره‌يلى كرد.

YesIraq