2018-12-16 08:06:00

شه‌فه‌ق نيوز/ خالد جاره‌ڵلا جيگر وه‌زير خارجيه‌ى كوه‌يتى، قسه‌ له‌باره‌ى حكايه‌ته‌گه‌ى زويتر پۆليسه‌ كوه‌يتيه‌گه‌ كرد ئه‌را يه‌كيگ له‌ كه‌ناڵه‌يل ته‌له‌فزيۆنى له‌باره‌ى له‌سێداره‌داين 50 بيتاوان عراقى له‌وه‌خت داگيركراى سه‌دام حسێن ئه‌را ولاته‌گه‌ى له‌ساڵ 1991.

 

جاره‌ڵڵا وت: ئيمه‌ چه‌وديرێ ئه‌و هه‌واڵه‌يله‌ ئه‌كه‌يم ك بڵاو كريا له‌ڕێ تۆماريگ ڤيديۆيى و كاردانه‌وه‌ى له‌ عراق و تويه‌نستيم راپۆرتيك له‌ وه‌زاره‌ت ناوخوه‌يى له‌و باوه‌ته‌و وه‌ربگريم و ئه‌وه‌ ده‌ركه‌فت ك ئه‌و كوشياگه‌يله‌ عراقى نه‌وينه‌و ئه‌و كابرايشه‌ ك قسه‌ له‌و باره‌وه‌ كرد پرسيار له‌لى كريا له‌باره‌ى قوربانيه‌يل جواوى ئه‌وه‌ بويه‌ ك ديارى ره‌گه‌زنامه‌ نه‌كردگه‌.

 

جى باسه‌، جاره‌ڵڵا هه‌ميش وت: په‌يوه‌ندى وه‌رده‌وامه‌ له‌ناونى باڵيۆزخانه‌ى كوه‌يت له‌ به‌غداو وه‌رپرسه‌يل له‌وراو نه‌بايه‌د مه‌سه‌له‌گه‌يش ئه‌وه‌نه‌ گرنگى وه‌پى بدريه‌ێد و باس له‌وه‌يش كرد ك كوه‌يت ئاماده‌س ئاشكراكردن زياتريش بيه‌ێد له‌و باوه‌ته‌و.

YesIraq