2019-02-26 06:18:00

شه‌فه‌ق نيوز/ كوه‌يتيه‌يل سوپاسگوزارى له‌ حامد له‌بيب پزيشك مسرى ئه‌كه‌ن ك به‌شدار بويه‌ له‌ چاره‌سه‌ركردن زه‌خمداره‌يل له‌وه‌خت داگيركارى عراقى له‌ كوه‌يت له‌ ساڵه‌يل نه‌وه‌د له‌ سه‌ده‌ێ وه‌رين و مه‌ندنه‌وه‌ى له‌ كوه‌يت ئه‌را وه‌رده‌واميداين وه‌ كاره‌ ئنسانيه‌گه‌ێ ك جێ حورمه‌ت گه‌ورايگ بويه‌ له‌ وڵاته‌يل كه‌نداو له‌بان ئه‌و هه‌ڵويسته‌.

 

كوه‌يتيه‌يل وه‌گشت چين و ناوه‌نده‌يل كۆمه‌ڵايه‌تييان سوپاسگوزارى له‌و پزيشك مسريه‌ ئه‌كه‌ن ئه‌را ده‌سميه‌تداين رووڵه‌يل كوه‌يت له‌ رووژه‌يل سه‌خت ك ملله‌تيگ وه‌گشتى له‌تى ژياو داواى خه‌ڵاتكردنى ئه‌كه‌ن له‌بان ئه‌و كاره‌يل ئنسانيه‌ ك له‌و وه‌خته‌ نه‌تواسگه‌ وڵاته‌گه‌ وه‌جێ بيلێد ك هه‌رچه‌نى زه‌خمداريش بويه‌و بويه‌سه‌ هووكار له‌ده‌سداين چه‌ويگى و لويتێ له‌وه‌خت بورۆدومانكردن ئه‌و نه‌خوه‌شخانه‌ ك له‌تى كار كردگه‌.

 

كوه‌يتيه‌يل ئاهه‌نگ ئه‌را ئه‌و پزيشكه‌ ساز ئه‌كه‌ن و داوايش ئه‌كه‌ن به‌رزترين خه‌ڵات ده‌وڵه‌ت وه‌پى بدريه‌ێد و بيجگه‌ ئه‌وه‌گيش بڕيگ له‌ كوه‌يتيه‌يل داوا ئه‌كه‌ن ره‌گه‌زنامه‌ى كوه‌يتييش وه‌پى بدريه‌ێد، ئه‌ويش له‌ئاكام ئه‌وه‌گ له‌ ديداريگ ته‌له‌فزيۆنى دركه‌فت و باس له‌و ماوه‌ كرد ك له‌تى مه‌نده‌سه‌و له‌ كوه‌يت.

YesIraq