2018-09-26 18:18:00

شه‌فه‌ق نيوز/ ئداره‌ى پاريزگاى كه‌ركوك، داوا له‌ لايه‌نه‌يل چه‌ودێرى له‌ پاريزگاگه‌ كرد چه‌ودێرى بڕيگ له‌ نه‌فس نزمه‌يل بكه‌ن ك نرخ بڕيگ له‌ به‌رهه‌مه‌يل ناوچه‌يى و هاورده‌ به‌رزه‌و كردنه‌ وه‌بى برياريگ ياسايى.

 

ئداره‌ى كه‌ركوك له‌ به‌ياننامه‌يگ ئه‌را شه‌فه‌ق نيوز وت: ئيمه‌ داوا له‌ غورفه‌ بازرگانى كه‌ركوك و ده‌زگاى ئاسايش نيشمانى و ئابوورى ئه‌كه‌يم چه‌ودێرى ده‌روين نزمه‌يل بكه‌ن ك نه‌فسيه‌تيان رێ وه‌پيان داگه‌ نرخ بڕيگ له‌ مادده‌يل ناوچه‌يى يا هاورده‌ به‌رزه‌و بكه‌ن وه‌ ئامانج وازكردن دو خاڵ گومرگى وه‌ره‌و سلێمانى و ئه‌واكه‌يش وه‌ره‌و هه‌ولێر، ك يه‌يش ره‌فتاريگ ناپوخته‌و رێ وه‌پى نايه‌يم له‌ پاريزگاگه‌مان.

 

جى باسه‌، به‌ياننامه‌گه‌ هه‌ميش وت: له‌ناونى ئه‌و ره‌فتاره‌يله‌ ك ناگونجيه‌يد وه‌ل مێژوو كه‌ركوك و شوون و پايه‌ێ مه‌ردمه‌گه‌ێ ئه‌وه‌سه‌ ك نرخ چه‌مه‌نتوو ناوچه‌يى به‌رزه‌و ئه‌كريه‌ێد و ناكه‌فێده‌ وه‌ر باج گومرگى و بڕيگ له‌ ده‌روين نزمه‌يليش ئستغلال ئى حاڵه‌ته‌ كردنه‌ وه‌بى ڕييگ ياسايى.

YesIraq