2019-05-27 19:24:50

شه‌فه‌ق نيوز/ هۆشه‌نگ بازوه‌ند پاريزگار كرماشان ئاشكراى ئه‌وه‌ كرد مه‌رزه‌يل سۆمار گرنگى فريه‌ گه‌ورايگ ديرێد ئه‌را ئيران و عراق و له‌ئيسه‌يش ژيرخان ئابوورى و گونجياگيگ له‌ى ناوچه‌ى مه‌رزيه‌ له‌ناونى هه‌ردوگ وڵات دوينرياسه‌و.

 

پاريزگار كرماشان له‌ دانيشتنيگ وه‌ ئاماده‌بوين پاريزگار دياله‌ له‌ ده‌روازه‌ى خوسره‌وى ئاره‌زوو ئه‌وه‌ كرد دانيشتنه‌گه‌يان به‌رهه‌مدار بدێ ئه‌را خزمه‌تكردن ملله‌ت هه‌ردوگ وڵات ئيرانى و عراقى و ئيمه‌ ئاماده‌يم ناوچه‌يگ مه‌رزێ له‌ قه‌سر شيرين دامه‌زرنيم وه‌ به‌شدارى پاريزگاى دياله‌ ك پشتگيرى له‌ په‌ره‌داين ئابوورى و هه‌نارده‌يل و پته‌وكردن په‌يوه‌نديه‌يل ناونى هه‌ردوگلا ئه‌كا.

 

جى باسه‌، پاريزگاى كرماشان ئاماژه‌ وه‌ ريككه‌فتنه‌يل خاسيگ له‌ سه‌ردانه‌گه‌ى حه‌سه‌ن رۆحانى سه‌رۆك وڵاته‌گه‌ى كرد ئه‌را عراق و وت: يه‌كيگ له‌و ريككه‌فتنه‌يل باس له‌ په‌ياكردن په‌نج ناوچه‌يل مه‌رزێ هاوبه‌ش ئه‌كا له‌ناونى هه‌ردوگ وڵات و ئيسه‌يش روخسه‌ت ئه‌را دامه‌زرانن يه‌كيگ له‌و ناوچه‌يله‌ له‌ شار قه‌سر شيرين وه‌رگيرياگه‌ وه‌ل ته‌رخانكردن 300 هكتار ئه‌را ئى مه‌به‌سه‌.

FaceIraq
}