2019-01-31 07:13:00

شه‌فه‌ق نيوز/ عوده‌ى عه‌واد ئه‌ندام ليژنه‌ى نه‌فت و غاز داوا له‌ وه‌زاره‌ت نه‌فت كرد په‌يجورى هه‌ڵه‌په‌ڵه‌يگ واز بكا له‌باره‌ى ئه‌و روێداگه‌يله‌ ك كه‌فته‌سه‌و له‌ناونى بڕيگ له‌ كارمه‌نده‌يل له‌ سه‌رچه‌وه‌ى نه‌فتى مه‌جنون و پۆليس نه‌فت باشوور.

 

عه‌واد له‌ به‌ياننامه‌يگ رووژنامه‌گه‌رى له‌لايه‌ن نويسينگه‌گه‌يه‌و وت: په‌يوه‌ندى و شكايه‌ته‌يل فريه‌يگ ره‌سيه‌سه‌ نويسينگه‌گه‌ له‌باره‌ى ناكووكى و كيشمه‌كيش ناونى كارمه‌نده‌يل له‌ سه‌رچه‌وه‌ى مه‌جنون و پۆليس نه‌فت نه‌فت باشوور و ئاماژه‌ وه‌ ئه‌وه‌ كرد ك گرته‌يليگ ڤيديۆيى تۆمار كرياگه‌و ك له‌ى بڕيگ له‌ كارمه‌نده‌يل پۆليس هه‌ڕه‌شه‌ وه‌ چه‌ك له‌ كارمه‌نده‌يل نه‌فتى كردنه‌.

 

عه‌واد وت: وه‌ گووره‌ى ئه‌و نامه‌و شكايه‌ته‌يله‌ ك ره‌سينه‌، ئه‌وه‌ ده‌رئه‌خه‌ن ك پۆليس ده‌سكرده‌سه‌ وشكانن كارمه‌نده‌يل وه‌ شيوه‌يگ رووژانه‌و يه‌يش ناڕه‌حه‌ت كارمه‌نده‌يل كردگه‌ وه‌ ئه‌وه‌گ ئى مه‌سه‌له‌ په‌يوه‌سه‌ وه‌ به‌ش په‌يوه‌نديه‌يل سه‌ر وه‌ نه‌فت به‌سره‌ نه‌ك پۆليس نه‌فت باشوور و هه‌ر وه‌و خاريشه‌ ناكووكى روێداگه‌.

YesIraq