2019-02-09 08:50:00

شه‌فه‌ق نيوز/ مزاحم ئه‌لحويت قسه‌كه‌ر وه‌ناو ئه‌شاير عه‌ره‌بى له‌ ناوچه‌يل كيشه‌ له‌سه‌ر وت: ليواى 30 سه‌ر وه‌ حه‌شد شه‌عبى داوا له‌ مه‌ردم 26 ئاوايى له‌ هامارى نه‌ينه‌وا كردگه‌ به‌ڵگه‌نامه‌يليان ته‌سليم بكه‌ن و باس له‌وه‌يش كر ك فه‌رمانده‌ى ليواگه‌ هه‌ڕه‌شه‌ له‌و كه‌سه‌يله‌ كردگه‌ داواكاريه‌گه‌ێ ره‌ته‌و بكه‌ن.

 

ئه‌لحوێت ئه‌را شه‌فه‌ق نيوز وت: ليواى 30 سه‌ر وه‌ حه‌شد شه‌عبى ئاگادار مه‌ردم ئه‌و ئاوايه‌يله‌ وه‌ به‌ڵه‌نگوو مزگفته‌يل كردگه‌ ئه‌را ته‌سليمكردن روينويسيگ له‌ به‌ڵگه‌يل فه‌رمييان و ئاشكرايشى كرد ك فه‌رمانده‌ى ليواگه‌ هه‌ڕه‌شه‌يش كردگه‌ له‌ هه‌ركه‌سيگ ئه‌و به‌ڵگه‌يله‌ ته‌سليم نه‌كا.

 

ئه‌لحوێت وت: ئامانج له‌ گرده‌وكردن ئه‌و به‌ڵگه‌يله‌ له‌ مه‌ردم ئه‌و ئاوايه‌يله‌ ئه‌را ئه‌وه‌سه‌ ليوايگ له‌ ناوچه‌گه‌ جيگير بكريه‌ێد ك گوايا مه‌ردمه‌گه‌ لايه‌نگر مه‌ندنه‌وه‌ى ليواگه‌ن و شه‌رعيه‌ت بياده‌ مه‌ندنه‌وه‌ى له‌ ناوچه‌گه‌.

 

جى باسه‌، ئه‌لحوێت داوايش له‌ حكومه‌ت عراقى و ريكخرياگه‌يل ناوده‌وڵه‌تى و هيزه‌يل ئه‌مريكى كرد مقه‌يه‌تى مه‌ردم ئه‌و ئاوايه‌يله‌ بكه‌ن له‌ ئه‌نجام ئه‌و كاره‌يله‌ ناياساييه‌ ك هاته‌سه‌ تويشيان.

YesIraq
}