فه‌رمان زيندانيكردن كارمه‌نديگ وه‌تومه‌ت ساخته‌كردن فايل كه‌سيگ له‌ داروده‌سه‌ى سه‌دام

Category: هــــه‌واڵ عــیراق

Date: 2020-03-11T10:34:55+0000

شه‌فه‌ق نيوز/ دادگاى تاوانه‌يل كه‌رخ ك تايبه‌ته‌ وه‌ مه‌سه‌له‌يل ده‌سپاكى، فه‌رمانيگ زيندانيكردن ئه‌را ماوه‌ى سێ ساڵ ده‌رهه‌ق ژنه‌ كارمه‌نديگ له‌ ده‌زگاى تۆمار عه‌قارى/ كه‌رخ يه‌ك ده‌ركرد له‌باره‌ى ساخته‌كردن فايليگ فه‌رمى موڵكيگ ك سه‌ر وه‌ يه‌كيگ له‌ كه‌سه‌يل سه‌ر وه‌ رژيم وه‌رين بويه‌ وه‌خاتر فرووشتنى وه‌شيوه‌يگ ناياسايى.

 

له‌ى باوه‌ته‌و، ناوه‌ند ره‌سانن ئه‌نجومه‌ن باڵاى دادوه‌رى له‌ به‌ياننامه‌يگ وت: دادگاى تاوانه‌يل كه‌رخ ك تايبه‌ته‌ وه‌ مه‌سه‌له‌يل ده‌سپاكى، فه‌رمانيگ زيندانيكردن ئه‌را ماوه‌ى سێ ساڵ ده‌رهه‌ق ژنه‌ كارمه‌نديگ له‌ ده‌زگاى تۆمار عه‌قارى/ كه‌رخ يه‌ك ده‌ركردگه‌ وه‌گووره‌ى ماده‌ى 331 له‌ ياساى سزايه‌يل عراقى له‌وه‌ر ته‌زويركردن فايله‌يل فه‌رمى تايبه‌ت وه‌ موڵكدارى.

 

جى باسه‌، ئاماژه‌ وه‌يه‌يش ئه‌كريه‌ێد رژيم ئيسه‌ى عراقى زيتريش برياريگ ده‌ركرد له‌باره‌ى زه‌فتكردن ماڵ و موڵك لايه‌نگر و داروده‌سه‌يل رژيم سه‌دام حسێن دوياى رميانى وه‌ده‌س وڵاته‌يل يه‌كگرتگ ئه‌مريكى و هاوپه‌يمانه‌يلى له‌ ساڵ 2003.