2019-01-18 06:15:00

شه‌فه‌ق نيوز/ دانيشتن ئابوورى عه‌ره‌بى له‌ خول چواره‌مى له‌ به‌يروت پايته‌خت لوبنان ده‌س وه‌پيكرد له‌وه‌ختيگ ك زوورم سه‌رۆك و سه‌ركرده‌يل عه‌ره‌ب عوزرخوازى كردن له‌ به‌شداريكردن شه‌خسييان و نوێنه‌ر له‌جياێ خوه‌يان كلكردنه‌.

 

شێخ به‌ساح ئه‌لجابر ئه‌لسه‌باح مير كوه‌يت به‌شدارى له‌ دانيشتنه‌گه‌ نه‌كرد بيجگه‌ ليستيگ تر وه‌ناو ئه‌و سه‌ركرده‌يله‌و له‌وانه‌يش عه‌بدولفه‌تاح سيسى سه‌رۆك مسرى ك مسته‌فا مه‌دبولى سه‌رۆك وه‌زيره‌يل له‌جياى خوه‌ى كلكردگه‌و مه‌حمود عه‌باس سه‌رۆك فلستينى ك رامى ئه‌لحه‌مدوڵڵا سه‌رۆك حكومه‌ت له‌جياى به‌شدارى ئه‌كاو عومه‌ر به‌شير سه‌رۆك سودان ك به‌كرى حه‌سه‌ن ساڵح جيگر يه‌كه‌مى له‌جياى به‌شدارى ئه‌كا.

 

جى باسه‌، وه‌گووره‌ى زانياريه‌يليش ئه‌وه‌ ده‌ركه‌فتگه‌ ك عادل عه‌بدولمه‌هدى سه‌رۆك حكومه‌تيش عوزرخوازى كردگه‌ و شانديگ له‌جياى خوه‌ى ره‌وانه‌ى به‌يروت ئه‌كا ئه‌را به‌شداريكردن له‌و دانيشتنه‌.

YesIraq