2019-02-25 16:59:00

شه‌فه‌ق نيوز/ حسێن عه‌ره‌ب سه‌رۆك فراكسيۆن ئيراده‌ێ په‌رله‌مانى، ئاشكراى وجوود هه‌مواركردنه‌وه‌ى بنه‌ڕه‌تێ كرد له‌بان ياساى حزبه‌يل.

 

عه‌ره‌ب ئه‌را شه‌فه‌ق نيوز وت: ئيمه‌ جوور ئه‌ندام و هيزه‌يل سياسى وه‌شيوه‌ێ فريه‌يگ گرنگى وه‌ ئه‌وه‌ ئه‌يه‌يم ياسايه‌يل دامه‌زرانن حزب وه‌ گووره‌ێ خاڵه‌يل ده‌ستورێ بدێ و يه‌يش ده‌رخست ك ئه‌نجومه‌ن نوێنه‌ره‌يل خوازياره‌ تاووتوێ گشت كاره‌يلي له‌ ياساێ حزبه‌يل بكا ك ده‌نگ له‌بانى له‌ خول وه‌رين په‌رله‌مانى درياگه‌.

 

عه‌ره‌ب هه‌ميش وت: بڕيگ له‌ بڕگىيل ياسا هه‌وه‌جه‌ وه‌ راسه‌وكردن ديرن و ياسايش هه‌وه‌جه‌ وه‌ بڕيگ زيايكردن جه‌وهه‌رێ و گرنگ ديێد ئه‌را زه‌مانه‌ت دامه‌زرانن حزبه‌يل ك كار وه‌گووره‌ێ مادده‌يل ده‌ستوور عراقى بكاو باس له‌وه‌يش كرد ك وه‌ل سه‌ره‌تاى دانيشتنه‌يل په‌رله‌مانى ئى باوه‌ته‌ ئه‌را تاووتوێكردن ئه‌خريه‌ێد روێ.

YesIraq