2019-01-08 17:33:00

شه‌فه‌ق نيوز/ كوتله‌ى ئه‌لمه‌شروع ئه‌لعه‌ره‌بى په‌رله‌مانى وه‌ سه‌رۆكايه‌تى خه‌ميس خه‌نجه‌ر، باس له‌وه‌ كرد ك جيگره‌وه‌يل شه‌يما حه‌يالى وه‌زير په‌روه‌رده‌ فريه‌وه‌ بوينه‌و مه‌سه‌له‌ى ئاڵشتكردن حه‌يالى وه‌ كانديديگ تر تائيسه‌ يه‌كلاوه‌ نه‌وێه‌.

 

له‌ى باوه‌ته‌و، ئه‌حمه‌د جه‌ربا سه‌رۆك كوتله‌گه‌ ئه‌را شه‌فه‌ق نيوز وت: ئه‌وه‌گ له‌ بڕێگ له‌ هووكاره‌يل ره‌سانن باس كريا له‌باره‌ى ناوه‌يل وه‌ ئه‌وه‌گ كانديد كريانه‌ ئه‌را پۆست وه‌زير په‌روه‌رده‌ جوور جيگره‌وه‌ى شه‌يما حه‌يالى دويره‌ له‌ڕاسى و نادروسه‌و هويچ ناويگ تائيسه‌ نه‌خرياسه‌ روێ.

 

جى باسه‌، جه‌ربا هه‌ميش وت: مه‌سه‌له‌ى مه‌ندنه‌وه‌ى حه‌يالى له‌ پۆسته‌گه‌ى يا نه‌مه‌ندنيشى تائيسه‌ يه‌كلاوه‌ نه‌ويه‌ وه‌شيوه‌يگ يه‌كجارى و هه‌ر وه‌و خاتريشه‌ قسه‌ له‌بان جيگره‌وه‌ى له‌ حاڵ حازر نه‌گونجياگه‌.

YesIraq