2019-03-06 08:24:00

شه‌فه‌ق نيوز/ جه‌ماعه‌ت "عه‌سايب ئه‌هل هه‌ق" وه‌ سه‌رۆكايه‌تى قه‌يس خه‌زعه‌لى، داناين بزووتنه‌وه‌ى "نوجه‌با" و ئه‌كره‌م كه‌عبى سه‌رۆك بزووتنه‌وه‌گه‌ له‌ ليست تيرۆر له‌لايه‌ن وڵاته‌يل يه‌كگرتگ ئه‌مريكاوه‌ ئدانه‌ كرد.

 

بززوتنه‌وه‌گه‌ له‌ به‌ياننامه‌يگ وت: پێوه‌ره‌يل ئه‌مريكى ئه‌را تيرۆر فريه‌جار هه‌ڵه‌و چه‌واشه‌س، ك هه‌ر لايه‌نيگ روێ وه‌ڕوێ تيرۆر و داعش بووسيه‌ێد و قوربانى بيه‌ێد وه‌ تيرۆر هساوى ئه‌كاو هه‌ر لايه‌نيگيش جوور يه‌هوودى و ئال سعود مه‌ده‌نيه‌يل بكوشێد وه‌ دووس و هاوپه‌يمان زانێده‌ى.

 

به‌ياننامه‌گه‌ هه‌ميش وت: ئى برياره‌يله‌ رووله‌يل مقاومه‌ رخه‌و ناوه‌ێد، به‌ڵكوو هيز و توانى زياتر وه‌پيان ئه‌وه‌خشێد ئه‌را روێ وه‌ڕوێ بوينه‌وه‌ى زوڵم و سته‌م و وه‌رگريكردن له‌ دادگه‌رى و فه‌قير و روێ وه‌ڕوێ بوينه‌وه‌ى هه‌ر لايه‌نيگ ك زه‌ره‌د وه‌ خاك عراق بڕه‌سنێد.

YesIraq