2018-09-28 10:17:00

شه‌فه‌ق نيوز/ عه‌شاير عه‌ره‌ب له‌ ده‌ورگرد قه‌زاى حه‌ويجه‌، له‌ خوه‌رئاواى كه‌ركوك، بڕيار هه‌ڵگرتن چه‌ك دان وه‌ كه‌هانه‌ى پاسه‌وانيكردن ئاوايه‌يل و ناوچه‌يليان له‌ په‌لاماره‌يل ريكخرياگ تيرۆريستى داعش.

 

له‌ى باوه‌ته‌و، ئه‌حمه‌د خورشيد ئه‌ندام ئه‌نجومه‌ن قه‌زاى حه‌ويجه‌ وت: تيرۆريسته‌يل داعش په‌لامار ئاوايه‌يل ئه‌يه‌ن و مه‌ردم رفنن و ئه‌كوشنه‌يان، هه‌ر وه‌و خاتريشه‌ عه‌شاير عه‌ره‌ب له‌ ده‌ورگرد قه‌زاگه‌ بڕيار ئه‌وه‌ داتن چه‌ك هه‌ڵبگرن، چوينكه‌ وجوود هيزه‌يل ئه‌منى كزه‌و تواناى مقه‌يه‌تيكردن مه‌ردم ناوچه‌گه‌ نه‌يرن و هه‌ر له‌وه‌ر ئه‌وه‌يش مه‌ردم ناچارن چه‌ك هه‌ڵبگرن.

 

وه‌رپرسه‌يل حه‌ويجه‌يش ئاشكراى ئه‌وه‌ كردن ك چه‌وه‌ڕێ ئه‌كريه‌ێد زياتر له‌ 500 كه‌س پڕچه‌ك بكريه‌ن له‌ مه‌رزه‌يل قه‌زاگه‌ له‌ چوارچێوه‌ى بريار عه‌شاير ئه‌را روێ وه‌ڕوێ بونينه‌وه‌ى داعش.

 

له‌لايه‌ن خوه‌ييشه‌و، نازم كه‌هيه‌ سه‌رۆك حزب ديموكرات توركمانى سه‌روه‌خوه‌ى ك باره‌گاى حزبه‌گه‌ى ها قه‌زاى خورماتوو له‌ باشوور كه‌ركوك وت: چه‌كهه‌ڵگرتن عه‌شاير عه‌ره‌ب وه‌ مه‌هانه‌ى روێ وه‌ڕوێ بونه‌وه‌ى داعش مه‌ترسى گه‌ورايگه‌و دويريش نيه‌ دوياى ماوه‌يگ ئى عه‌شايره‌ ئه‌و چه‌كه‌يله‌ وه‌كار بارێد ئه‌را جه‌نگه‌يل تايفى و نه‌ته‌وه‌يى له‌ ناوچه‌گه‌و شايه‌ت كه‌سه‌يليگيش له‌ناو ئه‌و عه‌شايره‌ بوون  سه‌ر وه‌ ريكخرياگ تيرۆريستى داعش بوون و له‌ى ڕييه‌و چه‌ك بڕه‌سێده‌ تيرۆريسته‌يل.

YesIraq