2019-03-31 07:33:00

شه‌فه‌ق نيوز/ هۆشيار عه‌بدوڵڵا ئه‌ندام ئه‌نجومه‌ن نوێنه‌ره‌يل عراقى, سه‌رسوڕمان خوه‌ى له‌ لێدوان سه‌ركرده‌يل سياسى نيشاندا وه‌رانوه‌ر مه‌سه‌له‌ى وجوود هيزه‌يل ئه‌مريكى له‌ عراق و وت: لێدوانه‌يل به‌رهه‌م ساڵح سه‌رۆك كۆمار له‌باره‌ى نه‌وين ناڕه‌زايه‌تى تازه‌ ئه‌را مه‌ندنه‌وه‌ى ئه‌و هيزه‌يله‌ جاده‌ى عراقى تويش سه‌رسوڕمان كردگه‌و نازانن باوه‌ڕ وه‌ كى بكه‌ن و لێدوانه‌يل كى راسه‌.

 

عه‌بدوڵڵا له‌ به‌ياننامه‌يگ ئه‌را شه‌فه‌ق نيوز وت: ملله‌ت عراقى سه‌رسوڕمان مه‌ندنه‌ وه‌رانوه‌ر لێدوانه‌يل له‌يه‌ك نه‌چگ سه‌ركرده‌يل سياسى و نازانن باوه‌ڕ وه‌ كى بكه‌ن و خاسترين نموونه‌يش ئه‌را ئى مه‌سه‌له‌ لێدوانه‌يل ئى دوياخر به‌رهه‌م ساڵح سه‌رۆك كۆماره‌ وه‌ ئه‌وه‌گ هويچ ناڕه‌زاييگ نيه‌ له‌بان وجوود هيزه‌يل ئه‌مريكى له‌ عراق، ئمجا ئه‌گه‌ر سه‌رۆك جدديه‌ له‌ قسه‌يلێ ئايا ماناى ئه‌وه‌سه‌ گشت سه‌ركرده‌يل سياسى و فراكسيۆنه‌يل په‌رله‌مانى ره‌ته‌وكردن هيزه‌يل ئه‌مريكى ده‌سكرد بويه‌ له‌لايان؟ و به‌رژه‌وه‌ندييان له‌وه‌ چه‌س؟.

 

عه‌بدوڵڵا هه‌ميش وت: مه‌سه‌له‌ى وجوود هيزه‌يل ئه‌مريكى له‌ عراق وه‌ گه‌رده‌لويليگ ره‌ته‌وكردنه‌و قه‌بول كرياگه‌ له‌ڕێ به‌ياننامه‌يل ئيدانه‌و ئستنكاره‌و, بيجگه‌ هه‌وڵه‌يل بڕيگ له‌ناو په‌رله‌مان و فشارخستن ئه‌را ده‌رچگنيان, ك ئايا گشت ئه‌و كه‌سايه‌تى و فراكسيرنه‌يله‌ جدديين يا دوياخر هه‌ڵويستيان ئاڵشت بويه‌؟.

YesIraq