2019-03-23 06:46:00

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن نوێنه‌ره‌يل عراقى له‌باره‌ى به‌رنامه‌ حكوميه‌گه‌ێ ئاشكراكردنيگ دا.

 

عه‌بدولمه‌هدى له‌ به‌ياننامه‌يگ ئه‌را شه‌فه‌ق نيوز وت: با ملله‌تم بزانن ك من قه‌وڵ دامه‌ له‌ وڵات ده‌رنه‌چم وه‌رجه‌ كووتاييهاوردن هه‌وه‌جه‌يل خواست ئه‌را جيوه‌جيكردن به‌رنامه‌ حكوميه‌گه‌و هه‌ر وه‌ ڕاسييش كووتايى وه‌ جيگيركردن به‌رنامه‌گه‌ هاورديمه‌و ئه‌ركه‌يل ته‌واو كرديمنه‌ ك بايه‌سه‌ بوێ له‌ مانگه‌يل يه‌كه‌م ته‌مه‌ن حكومه‌ت ته‌واو بوياتاد.

 

عه‌بدولمه‌هدى وت: گه‌شت كاريگ گرنگ ئه‌را وڵات مسر له‌بان داوه‌تنامه‌ى عه‌بدولفه‌تاح سيسى سه‌رۆك مسرى چه‌ن جاريگ دويا خستم و ئه‌را زياتر له‌ دوو مانگه‌ كار وه‌رده‌وامه‌ له‌بان ريكخستن ته‌واويگ ئه‌را سه‌ردانم له‌ 23 و 24 ئى مانگه‌، نه‌ك ئه‌را ديدار دولاينى ول سه‌رۆك مسرى وه‌ته‌نيا، به‌ڵكوو ئه‌را دانيشتن سێلايه‌نى ك پاشاى ئوردنيش له‌تى به‌شدار ئه‌دێ.

 

سه‌رۆك وه‌زيره‌يل هه‌ميش وت: ناڕه‌حه‌تى فريه‌يگ ئه‌كيشم وڵاته‌گه‌م بيلمه‌جێ له‌ى قۆناغ سه‌خته‌ وه‌تايبه‌ت دوياى نقومبوين به‌له‌مه‌گه‌ له‌ موسڵ و ئعلانكردن ماته‌مينى ئه‌را سێ رووژ، وه‌لێ سروشت سه‌ردانه‌گه‌ وه‌ ئه‌وه‌گ سه‌ردانيگه‌ كار، ئامانج له‌لى يه‌كه‌مجار خزمه‌ت وه‌ عراق و عراقيه‌يله‌و دوياى ئه‌وه‌يش له‌وه‌ر گرنگى ديداره‌يل چه‌وه‌ڕێكرياى و ده‌سكه‌فته‌يل ئه‌را نيشتمان و ناوچه‌گه‌و له‌وه‌ر ئه‌وه‌گ زه‌حمه‌تيشه‌ جاريگتر ئى سه‌ردانه‌ دويا بخه‌م ناچارم ئه‌نجامى بيه‌م.

YesIraq