2018-12-04 17:11:00

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل ئه‌و راسيه‌يله‌ ده‌رخست ك ئمڕوو روێدا له‌ناو دانيشتن په‌رله‌مان.

 

عه‌بدولمه‌هدى له‌ كۆنگره‌ى هه‌فتانه‌ى وت: حاڵه‌تيگ له‌ ئاژاوه‌ له‌ناو دانيشتن ئه‌نجومه‌ن نوێنه‌ره‌يل روێداگه‌ وه‌بى ئه‌وه‌گ كابينه‌ وه‌زاريه‌گه‌ ته‌واو بكريه‌ێد و وتيش: چه‌وه‌ڕێ ئه‌كه‌يم ئه‌نجومه‌ن نوێنه‌ره‌يل واده‌يگ ئه‌را دانيشتن ته‌واوكردن وه‌زاره‌ته‌يل ديارێ بكا دوياى وه‌رگرتن ره‌زامه‌نى له‌ناونى ئه‌ندامه‌يلێ.

 

عه‌بدولمه‌هدى زياتر وت: ليست زيايى وه‌زيره‌يل پيشكه‌ش ناكه‌يم و چه‌وه‌ڕێ ريككه‌فتنيگ نوێنه‌رايه‌تى ئه‌كه‌يم ئه‌را ده‌نگداين له‌باان ليست ناوه‌يل ئيسه‌ يا هه‌ر ليستيگ تر و باس له‌وه‌يش كرد ك وه‌ه‌زيره‌يل وه‌ وه‌كاله‌ى بۆشايى ئدارى ناكه‌ن و ئى مه‌سه‌له‌يشه‌ له‌ حكومه‌ته‌يل وه‌رين دوباره‌وه‌ بويه‌.

 

جى باسه‌، سه‌رۆك ئه‌نجومه‌ن وه‌زيره‌يل جه‌ختيش له‌وه‌ كرد ك حكومه‌ت جدديه‌ له‌بان له‌وه‌رگرتن ڕێ وشوون له‌ دژ گه‌ناته‌كارى و ئاماژه‌ وه‌يه‌يش كرد و وت: 13 هه‌زار دوسيه‌ى وازكرياێ له‌ ده‌سه‌ى ده‌سپاكى ديرێم.

YesIraq