2019-05-24 10:43:25

شه‌فه‌ق نيوز/ محه‌مه‌د عه‌لى ئه‌لحه‌كيم وه‌زير خارجيه‌ى عراقى، وت: عادل عه‌بدولمه‌هدى سه‌رۆك ئه‌نجومه‌ن وه‌زيره‌يل ديدار دۆناڵد تره‌مپ سه‌رۆك ئه‌مريكا ره‌ته‌و كردگه‌ هه‌ناى ك سه‌ردان بنگه‌ێ "عه‌ينولئه‌سه‌د" كردگه‌ له‌ عراق له‌ ماوه‌ى سه‌رساڵ گوزه‌يشت.

 

ئه‌لحه‌كيم له‌ باسيگ ئه‌را سۆمه‌ريه‌ وت: سه‌ردان سه‌رۆك ئه‌مريكا ئه‌را عراق نائاشكرا نه‌ويه‌و سه‌رۆك وه‌زيره‌يل له‌ سه‌عات 10ى شه‌وه‌كى هه‌مان رووژ ئاگادارم كردگه‌ له‌و سه‌ردانه‌ و وته‌سه‌پيم تره‌مپ سه‌ردان بنگه‌ى عه‌ينولئه‌سد ئه‌كا له‌وه‌ر خاتر ئاهه‌نگ وه‌ل سه‌ربازه‌يل ئه‌مريكى له‌ورا و داوايش له‌ليم كردگه‌ ئاگادار سه‌رۆك كۆماريش له‌و سه‌ردانه‌ بكه‌م.

 

جى باسه‌، سه‌رۆك ئه‌مريكا سه‌ردانيگ له‌ناكاو ئه‌را عراق ئه‌نجام له‌شه‌و جه‌ژن له‌داڵگبوين وه‌ ياوه‌رى ميلاناى هاوسه‌رى و له‌تى چه‌وى كه‌فته‌ هيزه‌يلى له‌ بنگه‌ى سه‌ربازى عه‌ينولئه‌سه‌د.

}