2019-04-22 07:22:00

شه‌فه‌ق نيوز/ سه‌رچه‌وه‌يگ له‌ ئه‌نجومه‌ن وه‌زيره‌يل وت: عادل عه‌بدولمه‌هدى سه‌رۆك ئه‌نجومه‌ن وه‌زيره‌يل ئاگادار هاوپه‌يمانيه‌يل سياسى په‌رله‌مانى كردگه‌ ك حكومه‌ته‌گه‌ى داوه‌ت جودى هود وه‌ڕيخه‌ر باڵيۆزخانه‌ى ئه‌مريكى كردگه‌و ياداشتيگ ناڕه‌زايى ته‌سليم وه‌پى كردگه‌ له‌باره‌ى ئه‌و هه‌ڕه‌شه‌يليه‌ ك كردگه‌ى ئه‌را چه‌سپانن سزا له‌بان عراق له‌حاڵه‌تيگ ئه‌گه‌ر سزايه‌يل ئه‌مريكا له‌بان ئيران بشكنێد.

 

سه‌رچه‌وه‌گه‌ له‌ زووان عه‌بدولمه‌هدى ئه‌را سه‌ركرده‌ێ فراكسيۆنه‌يل سياسى وتگه‌: ك هه‌ڕه‌شه‌يل جودى هود جى ناڕه‌زايه‌تى بويه‌و به‌غدايش بڕيگ جياوازى له‌ سزايه‌يل چه‌سپياى له‌بان ئيران داشتگه‌ وه‌تايبه‌ت له‌ باره‌ى مه‌سه‌له‌ى غاز و كاره‌با ك ماوه‌يگ زياتر وه‌ به‌غدا دريا تا وه‌ختيگ كاره‌يل خوه‌ى له‌باره‌ى كاره‌با ريك بخه‌ێد.

 

سه‌رچه‌وه‌گه‌ جوور ئه‌وه‌گ رووژنامه‌ى عه‌كاز سعزدى باسى كرد وت: فراكسيۆنه‌يل سياسى له‌ په‌رله‌مان عراقى فشاريان وه‌رده‌وامه‌ له‌بان سه‌رۆك حكومه‌ت له‌ مه‌سه‌له‌ى ده‌خاڵه‌ته‌يل ريخه‌ر كاره‌يل باڵيۆزخانه‌ى ئه‌مريكى و داواى له‌وه‌رگرتن رێ وشوون ئه‌را وسانن ئه‌و ده‌خاڵه‌ته‌يله‌ له‌لێ ئه‌كا.

YesIraq