2019-03-23 06:40:00

شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل پيشنياريگ پيشكه‌ش كرده‌ ئه‌نجومه‌ن نوێنه‌ره‌يل عراقى و له‌تى داوا كرد ده‌نگ له‌بان لاوردن نه‌وفه‌ل عاگوب پاريزگار نه‌ينه‌واو هه‌ردوگ جيگره‌گه‌ى بدريه‌ێد له‌ئه‌نجام نقومبوين به‌له‌مه‌گه‌ له‌ شار موسڵ.

 

عه‌بدولمه‌هدى له‌ كتاويگ فه‌رمى ئه‌را په‌رله‌مان وت: كه‌مته‌رخه‌مى و دريغى ئاشكراس له‌ ئه‌جامداين ئه‌رگه‌يل و وه‌رپرسيارێتى و يه‌يش ئسپات ئه‌وه‌ ئه‌كا دارايى گشتى وه‌تاڵان بريه‌ێد و ئستغلال پۆست وه‌زيفى كريه‌ێد و هه‌ر وه‌و خاتريشه‌ داوا له‌ په‌رله‌مان ئه‌كه‌يم پاريزگار و هه‌ردوگ جيگره‌گه‌ى لاوه‌ێد وه‌گووره‌ى مادده‌يل ده‌ستوور و ياساى پاريزگايه‌يل شماره‌ 21 ساڵ 2008.

 

جى باسه‌، رووژ په‌نجشه‌ممه‌ى گوزه‌يشت به‌له‌ميگ له‌ ده‌رياچه‌ى دجله‌ له‌ ديم دويرگه‌ى گه‌شتيارى له‌شار موسڵ ژيرئاو كه‌فت و بويه‌ هووكار مردن زياتر له‌ سه‌د  كه‌س و بڕيگيش تائيسه‌ بيسه‌ر وشوونن.

YesIraq