2019-01-20 07:05:00

شه‌فه‌ق نيوز/ كه‌مه‌وبوين پله‌يى ئه‌را كووتاييهاتن ئه‌و 100 رووژه‌ ده‌سوه‌پيكرد ك درياسه‌ عادل عه‌بدولمه‌هدى سه‌رۆك وه‌زيره‌يل له‌باره‌ى دياريكردن كانديده‌يل ئه‌را جيوه‌جيكردن به‌رنامه‌ حكوميه‌گه‌ێ و مه‌سه‌له‌گه‌يش ها له‌ورا شماره‌يگ له‌ ئه‌ندامه‌يل په‌رله‌مان ئاگر له‌بان حكومه‌ت وه‌رپا كردنه‌ وه‌بوونه‌ى به‌تاڵبوين وه‌زاره‌ته‌يل وه‌رگرى و ناوخوه‌يى و داد و هيمان تائيسه‌يش مه‌سه‌له‌ى شه‌يما حه‌يالى وه‌زير په‌روه‌رده‌ يه‌كلاوه‌ نه‌ويه‌.

 

په‌رله‌مان عراقى ك وه‌رده‌وامه‌ له‌ كار و دانيشتنه‌يلى هه‌رچه‌نى له‌ دويا دانيشتنى چه‌ن خوه‌ينينه‌وه‌يگ ئه‌را چه‌ن پرووژه‌ ياسايگ ئه‌نجامدا، وه‌لێ وه‌ل ئه‌وه‌يشا كارنامه‌گه‌ى وه‌ ته‌واوى به‌تاڵ بوێ له‌ ته‌واوكردن كابينه‌ حكوميه‌گه‌.

 

جى باسه‌، له‌لاى خوه‌ييشه‌و, عه‌بدولمه‌هدى تووپه‌گه‌ خسته‌سه‌ وازيگاى كوتله‌يل سياسى له‌باره‌ى نه‌ڕه‌سينيان ئه‌را ريككه‌فتن له‌باره‌ى كانديده‌يل ئه‌را باقى وه‌زاره‌ته‌يل, يه‌يش له‌وه‌ختيگ بريگ له‌ په‌رله‌مانتاره‌يليش جموجويل دژ دووان له‌ وه‌زيره‌يلى ئه‌كه‌ن ك پيكهاتنه‌ له‌ لوئه‌ى خه‌تيب وه‌زير كاره‌باو نه‌عيم روبه‌يعى وه‌زير په‌يوه‌نديه‌يل.

YesIraq