2018-10-19 10:01:00

شه‌فه‌ق نيوز/ سياسه‌تمه‌داريگ ئاگادار عراقى ئاشكراى ئه‌وه‌ كرد عادل عه‌بدولمهدى سه‌رۆك وه‌زيره‌يل راسپارياێ به‌ش فريه‌يگ له‌ كابينه‌ وه‌زاريه‌گه‌ێ ته‌واو كردو ئاماده‌ى ئه‌وه‌يش بوێ دويه‌كه‌ په‌نجشه‌ممه‌ پيشكه‌شى وه‌ به‌رله‌مان بكردياد ك ئه‌گه‌ر ناڕه‌زايه‌يل له‌ شماره‌يگك له‌ فراكسيۆنه‌يل سياسيه‌و نه‌وياتاد له‌باره‌ى كانديده‌يل.

 

وه‌ گووره‌ى راپۆرتيگ شه‌رقولئه‌وسه‌ت له‌ زووان ئه‌و سياسه‌تمه‌داره‌ وه‌بى ئه‌وه‌گ ناوى ئاشكرا بكا، وت: فريه‌يگ له‌ كوتله‌يل سياسى ئازادى دانه‌سه‌ عه‌بدولمهدى ئه‌را هه‌ڵوژانن وه‌زيره‌يل وه‌و مه‌رجه‌ ك پابه‌ند بدێ وه‌ به‌ش خوه‌ێ وه‌گووره‌ى هه‌قه‌يل هه‌ڵوژاردن، وه‌لێ بريگ له‌و كوتله‌يله‌ ئه‌خوازن ئه‌و كه‌سه‌يله‌ بناسن ك سه‌رۆك وه‌زيره‌يل هه‌ڵوژنيده‌يان ك شايه‌ت په‌سه‌نى بكه‌ن يا ناڕه‌زايه‌تى له‌باره‌ى داشتوون.

 

ئه‌و سياسه‌تمه‌دار عراقيه‌ وت: عه‌بدولمهدى حكومه‌ته‌گه‌ى له‌ رووژ دوشه‌ممه‌ يا چوارشه‌ممه‌ى ئاينده‌ پيشكه‌ش ئه‌كا، ئه‌ويش دوياى ئه‌وه‌گ نزيكه‌ى 15 پۆست وه‌زارى ته‌واو كردگه‌ وه‌ ئه‌وه‌گ بڕيگ له‌ وه‌زاره‌ته‌يل بمينێد و له‌وانه‌يش وه‌زاره‌ته‌يل سيادى جوور وه‌رگرى و ناوخوه‌يى و خارجيه‌ى و نه‌فت و دارايى ئه‌را دوياى زياره‌ت چله‌ى ماته‌مينى.

YesIraq