2019-10-14 09:16:28

شه‌فه‌ق نيوز/ حه‌يده‌ر عه‌بادى سه‌رۆك ئئتلاف نه‌سر و سه‌رۆك وه‌رين وه‌زيره‌يل عراقى، باس له‌وه‌ كرد ك پرووسه‌ى كيشانه‌وه‌ى متمانه‌ له‌ حكومه‌ت ئيسه‌ى ناوه‌ندى وه‌ سه‌رۆكايه‌تى عادل عه‌بدولمه‌هدى سه‌رۆك ئه‌نجومه‌ن وه‌زيره‌يل هه‌وه‌جه‌ وه‌ زوورمينه‌ى په‌رله‌مانى ديرێد.

 

عه‌بادى له‌ ديمانه‌يگ ك له‌يه‌ن كه‌ناڵ ئه‌لعه‌ره‌بيه‌ بڵاو كريا وت: ئه‌گه‌ر بخوازيم حكومه‌ت بڕمنيم، بايه‌سه‌ له‌ بانمان نوێنه‌ره‌يل زياتريگ گرده‌و بكه‌يم، ك يه‌يش هاوپه‌يمانێتى ئه‌خوازێد و تائيسه‌ وه‌پى نه‌ڕه‌سيمنه‌ ك هه‌رچه‌نى گفتگوويگيش له‌ى باوه‌ته‌و هه‌س.

 

عه‌بادى له‌باره‌ى خوه‌ينيشنداينه‌يل ئى دوياخريشه‌ وت: هيمان وه‌ته‌واوى جواو داواكاريه‌يل مه‌ردمى نه‌درياسه‌وه‌و يه‌يش كرده‌وه‌ى خراوتر له‌لێ ئه‌كه‌فێده‌و وه‌تايبه‌ت وه‌ل وجوود گرووپه‌يل چه‌كدار له‌ ده‌يشت ده‌وڵه‌ت و مافيايه‌يل گه‌نده‌ڵى ك زاڵه‌ له‌بان ده‌وڵه‌ت وه‌شيوه‌يگ گشتى و نه‌وين ئيراده‌ له‌باره‌ى بڕيارداين.

FaceIraq
}