2019-08-25 09:06:05

شه‌فه‌ق نيوز/ ده‌سه‌ى ده‌سپاكى ئاشكراى ئنجامه‌يل كار تيم وشكانن و دقه‌تكردن كرد له‌ باره‌ى سه‌رپيچيه‌يل له‌ ريككه‌فتن كۆمپانياى دابه‌شكردن به‌رهه‌مه‌يل نه‌فتى و يه‌كيگ له‌ كۆمپانيايه‌يل وه‌به‌رهاوردن و ئاشكراى هاوردنه‌وه‌ى بڕ 50 مليۆن دۆلار ئه‌مريكى كرد ئه‌را گه‌نجينه‌ى ده‌وڵه‌ت.

 

له‌و باوه‌ته‌و، ده‌زگاى په‌يجووريه‌يل له‌ ده‌سه‌گه‌ ئاماژه‌ وه‌ دامه‌زرانن تيميگ تايبه‌ت كرد ئه‌را دقه‌تكردن و په‌يجوورى له‌و مه‌سه‌له‌ ك ئمزا كرياوێد له‌ناونى هه‌ردوگ كۆمپانياگه‌و باس له‌وه‌يش كرد ك هه‌وڵه‌گه‌ى به‌رهه‌مدار بويه‌ له‌ هاوردنه‌وه‌ى بڕ (50,181,722) مليۆن دۆلار له‌ به‌رژه‌وه‌ندى كۆمپانياى دابه‌شكردن به‌رهه‌مه‌يل نه‌فتى له‌رێ هاوردنه‌وه‌ى سه‌كه‌يل بانكى خه‌رجكرياێ كۆمپانياى وه‌به‌رهاوردن له‌ماوه‌ى ساڵه‌يل(2017 - 2019)ك جوور هه‌قده‌س ئه‌را ته‌جهيزكردن وزه‌ى كاره‌با خه‌رج كرياوێد.

 

جى باسه‌، ده‌زگاى په‌يجووريه‌يل هه‌ميش وت: بڕ ئه‌و غه‌رامه‌ ك چه‌سپياگه‌ له‌بان كۆمپانياى وه‌به‌رهاوردن ره‌سيه‌سه‌ (58،240،527) مليۆن دۆلار و بڕ (7,488،106) مليۆن دۆلاريش مه‌نده‌سه‌و ك ئه‌ويش يه‌كلاوه‌ ئه‌كريه‌ێد.

FaceIraq
}