2019-02-01 08:26:00

شه‌فه‌ق نيوز/ سوپاى عراقى له‌ى ماوه‌ى دواخره‌  له‌ وجوود خوه‌ێ پته‌وتره‌و كرد له‌بان مه‌رزه‌يل وه‌ل سوريا، ئه‌ويش له‌ترس ئه‌وه‌گ نه‌ك چه‌كداره‌يل ريكخرياگ داعش بانه‌ ناو خاكه‌يل عراقه‌و، وه‌تايبه‌ت دوياى گه‌مارۆداينى له‌لايه‌ن هيزه‌يل كورده‌و ك له‌لايه‌ن وڵاته‌يل يه‌كگرتگه‌و پشتگيرى ئه‌كريه‌ن.

 

له‌ى باوه‌ته‌و، رووژنامه‌ى "وۆل ستريت جورنال"، وت: چه‌كداره‌يليگ له‌ داعش روێ له‌ تووڕه‌يل واين كردنه‌ له‌ڕێ مه‌رزه‌يل و له‌وه‌ركردن دڵنگ شوانه‌يل ئه‌را ئه‌وه‌گ خوه‌يان قورتار بكه‌ن له‌و گه‌مارۆ ك تويشى هاتنه‌.

 

وه‌رپرسه‌يل سه‌ربازێ باس له‌وه‌ كردن ك عراق هه‌ڵه‌په‌ڵه‌ كردگه‌ له‌ پته‌وكردن رێ وشوونه‌يل ئه‌منى خوه‌ى له‌ مه‌رزه‌يلى وه‌ل سوريا، ئه‌ويش له‌وه‌ر مه‌ترسى ئه‌گه‌ره‌يل هاتنه‌وه‌ى رزه‌يل ريكخرياگ داعش، وه‌تايبه‌ت دوياى كيشاننه‌وه‌ى هيزه‌يل ئه‌مريكى له‌ سورياو هه‌ر وه‌و خاتريشه‌ به‌غدا هيزه‌يل زياتر ئه‌را مه‌رزه‌يل كلكرد بيجگه‌ بڵاوكردنه‌وه‌ى بڕيگ تووپخانه‌و ته‌ياره‌يل جه‌نگى ئه‌را روێ وه‌ڕوێ بونه‌وه‌ى ئه‌و ريكخرياگ تيرۆريستيه‌.

YesIraq