2019-04-05 07:08:00

شه‌فه‌ق نيوز/ لوئه‌ى خه‌تيب وه‌زير كاره‌باى عراق ، ياداشتيگ وه‌ل خالد بن عه‌بدولعه‌زيز ئه‌لفالح وه‌زير وزه‌و پيشه‌سازى و سامانه‌يل كانزايى سعودى ئمزا كرد ئه‌را هاوكارى هاوبه‌ش له‌ بوار وزه‌ى كاره‌با له‌ناونى هه‌ردوگ وڵات، ئه‌ويش جوور ئاماده‌كارى ئه‌را ئمزاكردن ريككه‌فتنيگ له‌ شانشين عه‌ره‌بى سعودى له‌ ماوه‌ى قۆناغ ئاينده‌.

 

هه‌ردوگ شاند عراقى و سعودى وه‌ سه‌رۆكايه‌تى وه‌زيره‌يل هه‌ردوگ وڵات دانيشتنيگ سازكردن و ئمزاى مه‌حزه‌ريگ دانيشتن كريا، دوياى ئه‌وه‌گ هه‌ردوگلا جه‌خت له‌وه‌ كردن ئى ريككه‌فتنه‌ به‌شدار ئه‌دێ له‌ جيوه‌جيكردن ئامانجه‌يليگ ئه‌را دامه‌زرانن ئه‌نجومه‌ن هه‌ماهه‌نگى عراقى سعودى و ئه‌را هاريكارى زياتر له‌ بوار وزه‌ى كاره‌باو بته‌وكردن بنه‌ماى دووسايه‌تى له‌ناونى هه‌ردوگ وڵات.

 

جى باسه‌، له‌و دانيشتنه‌ بڕگه‌يل فريه‌يگ جيگير كرياو له‌وانه‌يش په‌يوه‌سكردن كاره‌با له‌ناونى هه‌ردوگ وڵات و په‌ره‌داين وه‌ بازاڕ وزه‌ و ئاگاداركردنه‌وه‌ى كارخانه‌و كۆمپانيايه‌يل سعودى ك له‌ بوار وزه‌ كار ئه‌كه‌ن ئه‌را هاريكارى وه‌ل لايه‌ن عراقى له‌وه‌ر پڕه‌وكردن هه‌وه‌جه‌يل بيجگه‌ وه‌به‌رهاوردن و به‌شدار له‌ ته‌مويل پرووژه‌يل وه‌به‌رهاوردن و جيوازكردن و دابه‌شكردن وه‌زه‌ى كاره‌بايى له‌ عراق و پرووژه‌يل تر له‌ ئاينده‌.

YesIraq