2019-04-17 17:39:00

شه‌فه‌ق نيوز/ عادل عه‌بودوله‌مه‌هدى سه‌رۆك وه‌زيره‌يل عراقى و شا سه‌لمان بن عه‌بدولعه‌زيز پاشاى سعوديه‌ دانيشتنيگ له‌ كوشك شانشينى له‌ رياز پايته‌خت ساز كردن.

 

عه‌بدولمه‌هدى وت: ئمڕوو عراق له‌ سه‌قامگيرى ئه‌منى ژيه‌ێد و هه‌وڵ جيوه‌جيكردن هه‌ڵسانه‌وه‌ى ئابورى و ئاوه‌دانى ئه‌يه‌يم و شانشين عه‌ره‌يى سعوديه‌يش وڵاتيگ هاوساو برا و پيشكه‌فتگه‌و كريانه‌وه‌ى عراقيش له‌بان سعوديه‌ به‌رژه‌وه‌ندى ناونى هه‌ردوگ وڵات و هه‌ر ملله‌ت جيوه‌جى ئه‌كاو ئاماژه‌ وه‌يه‌يش كرد ك دانيشتن ليژنه‌ى هه‌ماهه‌نگى وه‌ گوورجى به‌رهه‌مدار بويه‌و له‌بان ئمزاكردن بڕيگ ريككه‌فتن و ياداشته‌يل له‌يه‌كڕه‌سينه‌وه‌.

 

جى باسه‌، له‌ رياز مه‌راسيم ئمزاكردن 13 ريككه‌فتن و ياداشت له‌يه‌كڕه‌سينه‌وه‌ له‌ناونى عراق و شانشين عه‌ره‌بى سعوديه‌ ئه‌نجام گرت وه‌ ئاماده‌بوين عادل عه‌بدولمه‌هدى سه‌رۆك ئه‌نجومه‌ن وه‌زيره‌يل و شا سه‌لمان بن عه‌بدولعه‌زيز و شماره‌يگ له‌ وه‌زيره‌يل هه‌ردوگلاى عراقى و سعودى و ئه‌و ريككه‌فتنه‌يليشه‌ بواره‌يل راوێژ سياسى و ريككه‌فتن له‌باره‌ى به‌رنامه‌ى دگانوه‌پياناين ئاڵوگۆڕ وه‌ باوه‌ڕنامه‌ى هاوشيوه‌ى به‌رهه‌مه‌يل و ريككه‌فتن هانداين و مقه‌يه‌تيكردن وه‌به‌رهاوردن و ياداشت له‌يه‌كڕه‌سينه‌وه‌ له‌ بوار كشتوكاڵى و پيشه‌سازى و سامان كانزايى و بوار نه‌فت و غاز و وزه‌ى كاره‌باو هاوكارى زانستى و په‌روه‌رده‌يى له‌ناونى وه‌زاره‌ت زانستى سعوديى و وه‌زاره‌ت خوه‌نين باڵاو توێژێنه‌وه‌ى زانستى عراق و ريككه‌فتنه‌يل تر.

YesIraq