2019-02-14 17:59:00

شه‌فه‌ق نيوز/ حه‌يده‌ر هادى عه‌زارى باڵيۆز عراقى له‌ روسيا وت: به‌غدا و مۆسكۆ كار له‌بان ئمزاكردن 25 ريككه‌فتن ئه‌كه‌ له‌ بواره‌يل جياجيا.

 

عه‌زارى له‌ ديدار رووسى ئه‌را وه‌به‌رهاوردن له‌شار سوتشى وت: حاڵ حازر كار له‌بان 25 ريككه‌فتن و ياداشت ته‌فاهوم ئه‌كه‌يم له‌ناونى عراق و روسيا ك بڕێگ له‌لى ها قوناغ كۆتايى و تا وه‌خت سازكردنن ليژنه‌ى له‌ به‌غدا بڕيگ له‌لى ئاماده‌ى ئمزاكردن ئه‌دێ.

 

جى باسه‌، باڵيۆز عراقى ئاماژه‌ وه‌يه‌يش كرد عراق و روسيا هه‌وڵ ئه‌وه‌يش ئه‌يه‌ن ئمزاى هه‌ڵوه‌شاننه‌وه‌ى ڤيزا ئه‌را پياوه‌يل كار و دبلۆماتكاره‌يليش يكه‌ن.

YesIraq