2018-12-10 18:09:00

شه‌فه‌ق نيوز/ حكومه‌ت عراقى وه‌ فه‌رمى و وه‌شيوه‌يگ جوزئى ناوچه‌ى سه‌وز مقه‌يه‌تيكرياێ له‌ناوڕاس به‌غاى پايته‌خت له‌وه‌رده‌م هامشوو سه‌ياره‌يل واز كرد وه‌ ريككه‌فت وه‌ل ياد ساڵڕووژ سه‌ركه‌فتن له‌بان ريكخرياگ داعش.

 

وازكردن ناوچه‌ى سه‌وز له‌ به‌غدا وه‌شيوه‌يگ جوزئى واز كرياو زيتريش عادل عه‌بدولمه‌هدى سه‌رۆك وه‌زيره‌يل عراقى له‌ چه‌ن بوونه‌يگ باس له‌ خواست وازكردنى كرد، ئه‌ويش له‌ ئاماژه‌يگ ئه‌را ئارامبوين بارودوخ ئه‌منى.

 

جى باسه‌، ناوچه‌ى سه‌وز يه‌كيگه‌ له‌ ناوچه‌يل فريه‌ مقه‌يه‌تيكرياێ له‌ عراق و باره‌گايه‌يل حكومه‌ت و سوپا و باره‌گاى باڵيۆزخانه‌ى ئه‌مريكى گرته‌سه‌ خوه‌ێ بيجگه‌ باره‌گاره‌يل تر ريكخرياگه‌يل و ئاژانسه‌يل حكومى و بيگانه‌ى ده‌وڵه‌ته‌يل تر.

YesIraq