عراق شوونه‌یلیگ ئەرا کەرەنتین تووشهاتگەیل کادرەیل تەندروسی تەرخان کەێد

Category: هــــه‌واڵ عــیراق

Date: 2020-06-14T17:24:13+0000
عراق شوونه‌یلیگ ئەرا کەرەنتین تووشهاتگەیل کادرەیل تەندروسی تەرخان کەێد

شەفەق نیوز/دکتۆر حەسەن شەمەری وەزیر تەندروسی وژینگە، ئمڕوو یەکشەممە، فەرمان دا وە تەرخانکردن شوونەیل کەرەنتین ئەرا کادرە تەندروسیەگان ک تووش ڤایڕۆس کۆڕۆنا هاتنە، دوویای زیایبوون تووشهاتگەیل لەناویان.
بەیاننامەیگ لە وەزارەتەگە ئمڕو باس کرد؛ بڕیاردریا لەوه‌ر روشنایی ئەو رێکارەیلە، لە گشت فەرمانگەیگ تاقێگەیگ تەرخان بکریەێد، ئەرا کادرە تەندروسیەگان، ومسۆگەر رەوانە کردن ئەنجامە روژانەگە بکریەێد، وتەرخانکردن بنکەیگ یا باڵیگ تایبەت لە خەسەخانەگان، ئەرا جیاکردنەوە یا کەرەنتین تووشهاتگەیل لە کادرەگان، وناوناین یەکیگ لە رەدهەگان یا هۆڵەیل خوەنەواری وەناو شەهیدەیل ک وەکۆڕۆنا گیانیان لەدەس دانە، جوور یادکردنیگ ئەرا قوربانییان.
وهەمیش بڕیار دریا وە دروس کردن دەسەیگ لە ( وەڕیەوبەر بەش هونەری- وەرپرس پزشکەیل جیگر- وەرپرس کەرت تەندروسی گشتی) ئەرا چەودێری لە دابینکردن و ئامادەکردن ئامێرەیل مقەیەتی ئەرا گشت کادرەیل، وچەودێر پابەندی ئەندامەیل لە وەکارهاوردنی، وەگورەی بەیاننامەگە.
بەیاننامەگە هەمیش وت؛ بەشەیل فریاکەفتن جوور رەفتار رەدهەیل کەرەنتین لەلایەن وەکارهاوردن دڵنگەیل مقەیەتی مامڵه‌ وه‌لیانه‌و بكه‌ن ، بیجگە وەجیهاوردن دەسەیل زانستی لە فەرمانگەگان وە هەماهەنگی وەل بەشەیل تەندروسی وە دیاری کردن ریەگان مقەیەتی، لە لایەن وەکارهاوردن چشتەیل مقەیەتی، و وەجیهاوردن رینماگان رێکخراو تەندروسی جهانی.

related