2018-10-16 17:59:00

شه‌فه‌ق نيوز/ سعه‌د معه‌ن قسه‌كه‌ر وه‌ناو وه‌زاره‌ت ناوخوه‌يى عراقى، ئاشكراى ده‌سگيركردن چوار تومه‌تبار كرد وه‌ تومه‌ت دزيكردن نه‌فت له‌ به‌غدا.

 

معه‌ن له‌ به‌ياننامه‌يگ ئه‌را شه‌فه‌ق نيوز، وت: مه‌فره‌زه‌يل هه‌واڵگرى پۆليس وزه‌ سه‌ر وه‌ ئاژانس هه‌واڵگرى تويه‌نستنه‌ تووڕيگ دزيكه‌ر سوزه‌مه‌نى نه‌فتى ده‌سگير بكه‌ن له‌وه‌ختيگ تواستنه‌ زه‌فه‌ر له‌ يه‌كيگ له‌ خه‌ته‌يل جيوازكه‌ر نه‌فتى بارن له‌ نه‌فتپاڵوو دۆره‌ - لتێفيه‌.

 

قسه‌كه‌ر وه‌ناو وه‌زاره‌ت ناوخوه‌يى يه‌يش ده‌رخست ك مه‌فره‌زه‌يل هه‌واڵگرى چوار تومه‌تبار له‌و شوون ناوبرياگه‌ ده‌سگير كردنه‌، ئه‌ويش وه‌گووره‌ى ده‌سكه‌فتن زانياريه‌يليگ پڕ دقه‌ت و ئيسه‌يش رێ و شوونه‌يل ياسايى ده‌رهه‌قيان گيرياسه‌ وه‌ر.

YesIraq