2020-03-16 18:35:19

شه‌فه‌ق نيوز/ ده‌سڵاته‌يل ته‌ياره‌وانى مه‌ده‌نى له‌ عراق، ئاشكراى وسانن سه‌رجه‌م گه‌شته‌يل هاتن و چگن ئاسمانيى كرد ئه‌را ته‌ياره‌خانه‌يل وڵاته‌گه‌، له‌وانه‌يش ته‌ياره‌خانه‌يل هه‌رێم كوردستان وه‌ته‌واوى ئه‌را ماوه‌ى هه‌فته‌يگ.

 

له‌ى باوه‌ته‌و، به‌ش په‌يوه‌نديه‌يل گشتى و ره‌سانن له‌  ته‌ياره‌خانه‌ى سلێمانى له‌ به‌ياننامه‌يگ ئه‌را شه‌فه‌ق نيوز وت: ده‌سڵاته‌يل ته‌ياره‌وانى مه‌ده‌نى به‌ياننامه‌يگ ده‌ركردگه‌و وه‌ گووره‌ى ئه‌و به‌ياننامه‌ ئاسمان عراق داخستگه‌ له‌ سه‌عات شه‌ش سوو سێشه‌ممه‌ 17ى ئادار تا 24 ئادار ئى مانگه‌.

 

ئاشكراى ئه‌وه‌يش كرد وه‌گووره‌ى ئى بڕياره‌ سه‌رجه‌م گه‌شته‌يل ئاسمانى له‌گشت ته‌ياره‌خانه‌يل عراقى وسيه‌ێد، له‌وانه‌يش ته‌ياره‌خانه‌يل هه‌رێم كوردستان.

}