عراق دوو ملیار دۆلار داهات لە فروشتن نەفت داشتیه‌

Category: هــــه‌واڵ عــیراق

Date: 2020-06-24T20:12:12+0000
عراق دوو ملیار دۆلار داهات لە فروشتن نەفت داشتیه‌

شەفەق نیوز/ وەزارەت نەفت راگه‌یان لە بڕ هەناردەی نەفت وداهات مانگ ئایار گوزەشتە.
وەگورەی ئاماریگ لە کۆمپانیای نەفت عراقی (سۆمۆ)، ک بڕ هەناردەی نەفت خام رەسیە ٩٩ مەلیۆن و ٢٨٣ بەرمیل، وە داهاته‌گه‌ی رەسیە دوو ملیار و ١٢٦ مەلیۆن و ٨٣ هەزار دۆلار.
عاسم جهاد قسەکەر وەناو وەزارەت نەفت لە بەیاننامەیگ ئمڕوو وت؛ بڕ گشتی هەناردەی نەفت خام ئەرا مانگ ئایار گوزەشتە لە گێلگە نەفتیەگان لە ناوڕاس و باشوور عراق رەسیە ٩٦ مەلیۆن و ٣٩ هەزار و ٨٥٢ بەرمیل، وەداهاته‌گه‌ی رەسیە دوو ملیار و ٦٠ مەلیۆن و ٢٣ هەزار دۆلار، و بڕ هەناردەی نەفت کەرکوک لە ری بەندەر جیهان ٣ مەلیۆن و ٥٤٥ هەزار و ٤٣١ بەرمیل بوی، وە داهاته‌گه‌ی رەسیە ٧٦ مەلیۆن و ٥٩ هەزار و ٢٩٠ دۆلار.
جهاد دیاریکرد ک رێژەی نرخ یەک بەرمیل رەسیە ٢١،٤٥ دۆلار.

related