2019-05-19 19:03:23

شه‌فه‌ق نيوز/ سامر غه‌زبان وه‌زير نه‌فت عراقى وه‌ تونى ره‌خنه‌ بڕيار كۆمپانياى ئيكسون موبيل ئه‌مريكى گرت له‌باره‌ى نه‌هيشتن كارمه‌نده‌يلى له‌ سه‌رچه‌وه‌ى نه‌فتى له‌ به‌سه‌رى له‌ باشوور وڵاته‌گه‌و داوا له‌لى كرد ده‌سوه‌جى ئه‌و كارمه‌نده‌يليه‌ ئه‌را سه‌رچه‌وه‌گه‌ بارێده‌و.

 

غه‌زبان له‌ نامه‌يگ ئه‌را ئه‌و كۆمپانياى ئه‌مريكيه‌ جه‌خت له‌وه‌ كرد ئى بڕياره‌ ناپه‌سه‌ن و قه‌بول نه‌كرياگه‌و باس له‌وه‌ كرد بارودوخ ئه‌منى و كۆمه‌ڵايه‌تى له‌ باشوور عراق جوور باقى شاره‌يل تر عراق ئارام و سه‌قامگيره‌.

 

جى باسه‌، وه‌زير نه‌فت هه‌ميش وت: بريار كيشانه‌وه‌ى كارمه‌نده‌يل ئى كۆمپانياى ئه‌مريكيه‌ له‌ سه‌رچه‌وه‌ى گرنه‌ له‌ باشوور عراق وه‌شيوه‌يگ وه‌ختيه‌و هه‌رچه‌نى شماره‌يان كه‌مه‌ هويچ په‌يوه‌ندييگ وه‌ بارودوخ ئه‌منى له‌ سه‌رچه‌وه‌ نه‌فتيه‌گه‌و له‌ باشوور عراق نه‌يرێد، به‌ڵكوو له‌وه‌ر هووكاره‌يل سياسيه‌ جوور ئه‌وه‌گ پيشبينيى ئه‌كه‌يم.

YesIraq