عراق بڕیار قەیەغەی هاتووچگن ناچەسپنێ

Category: هــــه‌واڵ عــیراق

Date: 2020-06-29T18:33:33+0000
عراق بڕیار قەیەغەی هاتووچگن ناچەسپنێ

شەفەق نیوز/ دەسەی باڵای تەندروسی و سەلامەتی نیشتمانی لە عراق. ئمڕوو دووشەممە، بڕیاردا وە نه‌چەسپان قەیەغەی هاتووچگن گشتگیر لە رووژەیل ئاینده‌.
ئەویش لە کوڵە وتاریگ هات ك میدیا حکومەتیەگان پەخشی کردن، و ئاژانس شەفەق نیوز چەودیریی کرد. هەمیش دەسە باڵاگە دووپاتکرد لە دیاریکردن مەوقەیل نیمچە قەیەغەی هاتوچگنەگە، لە ساعەت هەفت ئیوارە تا ساعەت شەش شەوەکی.
دەسەی باڵای تەندروسی و سەلامەتی نیشتمانی، رووژ دووشەممە، لەڕی ئاژانس شەفەق نیوز هوشداریدا لە مەترسی پەککەفتن خەسەخانەیل عراق دویای تۆمارکردن ١٤ هەزار تووشهاتگ وە ڤایڕۆس کۆڕۆنا لەماوەی ئی هەفتە.
بڕیاربوی دەسەگە کۆبونەوه‌ بوەسێد ئەرا تەمەی کردن لە چەسپانن قەیەغەی گشتگیر یا سەختەوکردن ریکارەگان لەبان نیمچە قەیەغەگە.
لە وەخت بڵاوبوین پەتاگە لە عراق بڕ تووشهاتگەیل وە ڤایڕۆس کۆڕۆنا رەسیە ٤٥٤٠٢ کەس، لەلیان ٢١١٢٢ خاسەوبویە، و ١٧٦٥ مردگە، وەگورەی بەیاننامە فەرمیەگان.

related