2019-03-18 17:34:00

شه‌فه‌ق نيوز/ عوسمان غانمى سه‌رۆك ئه‌ركان سوپاى عراقى، ئاشكراى ئه‌وه‌ كرد عراق و سوريا هانه‌ هه‌وڵ وازكردن ده‌روازه‌يگ مه‌رزێ له‌ناونى هه‌ردوگ وڵات له‌ ماوه‌ى چه‌ن رووژيگ تر.

 

غانمى له‌ كۆنگره‌يگ هاوبه‌ش وه‌ل ئه‌لعيماد عه‌بدوڵڵا ئه‌يوب وه‌زير وه‌رگرى سوريا و ليوا محه‌مه‌د باقرى سه‌رۆك ئه‌ركان ئيرانى له‌ دوياى دانيشتنه‌ سێلايه‌نيه‌گه‌ وت: خه‌ت مه‌رزێ ناونى سورياو عراق ك 615 كيلۆمه‌تر درێژه‌و ئه‌دێ له‌ باسكردن ئمڕوو بويه‌و ئه‌من مه‌رزه‌يل فريه‌ گرنگه‌و له‌لايه‌ن هيزه‌يل ئه‌منى عراقى و سوپاى سووريه‌و مقه‌يه‌تى كرياگه‌.

 

غانمى هه‌ميش وت: له‌ ماوه‌ى چه‌ن رووژيگ تر ده‌روازه‌يگ مه‌رزێ واز ئه‌كريه‌ێد وه‌ل وه‌رده‌وامى سه‌ردانه‌يل و بازرگانى له‌ناونى هه‌ردوگ وڵات و له‌و باوه‌تيشه‌و رێ و شوونه‌يليمان وه‌رده‌وامه‌و باس له‌وه‌يش كرد هه‌ماهه‌نگى گه‌ورايگ هه‌س له‌ناونى هيزه‌يل وڵاته‌گه‌ى وه‌ل هيزه‌يل سوورى ئه‌را له‌ناوبردن داعش.

YesIraq