2019-03-09 18:05:00

شه‌فه‌ق نيوز/ وه‌رپرس ريكخرياگ ئه‌لئه‌مه‌ل ئه‌لعراقى باس له‌وه‌ كرد حاڵه‌ته‌يل ته‌ڵاق و خيانه‌ت هاوسه‌رى و چويچيان خيزانى له‌ پاريزگاى كه‌ركوك به‌رزه‌وبوين فريه‌يگ وه‌خوه‌يه‌و ديه‌و جه‌ختيش له‌وه‌ كرد ك حكومه‌ت پلان ئه‌را بڵاوبوينه‌وه‌ى ئيچنه‌ حاڵه‌ته‌يليگ دابنه‌ێد.

 

سروه‌ ئه‌حمه‌د له‌ باسيگ ئه‌را ده‌نگ ئه‌مريكا - به‌ش كوردى، وت: خاسه‌وكردن بارودوخ خيانه‌يل په‌يوه‌سه‌ وه‌ بارودوخ سياسى و ئابوورى و ئه‌منى له‌ وڵاته‌گه‌ وه‌ ئه‌وه‌گ ئه‌گه‌ر جاده‌ تون وتيژى داشت ئه‌و تون وتيژيه‌ جيواز ئه‌دێ ئه‌را ناو خيزان.

 

سروه‌ ئه‌حمه‌د وت: ساڵ گوزه‌يشت ريكخريايه‌گه‌ 1200 حاڵه‌ت تون وتيژى تۆمار كردگه‌ له‌ناونى حاڵه‌ته‌يل تون وتيژى لاشه‌يى و ده‌روينى و هاوسه‌رگيرى وه‌ل ژن دويه‌م و خيانه‌ن خيزانى و تون و تيژيه‌يل تر و يه‌يش ده‌رخست ك پياوه‌يليگ هه‌ن دووان و سيان له‌ ئاشقه‌يليان خوازن و پياويش هه‌س ژن دويه‌م ئه‌خوازێد و هويچ خه‌رجيگ وه‌ ژن يه‌كه‌م نايه‌ێد و پياوه‌يليگيش هه‌ن ژن دويه‌م و سێيه‌ميش ئه‌خوازێد و له‌لايه‌ى ژن يه‌كه‌مى ئاشكراى ناكا.

 

جى باسه‌، سروه‌ ئه‌حمه‌د هه‌ميش وت: پياويگ سێ ژن له‌ماوه‌ى 3 مانگ خوازيه‌ وه‌ كه‌متر له‌ 300 دۆلار و ئى حاڵه‌ته‌يليشه‌ فريه‌ زياى كردگه‌ له‌وه‌ختيگ ك زويتر ئيچنه‌ حاڵه‌ته‌يليگ له‌ كه‌ركوك نه‌ويه‌.

YesIraq