2019-10-26 17:39:50

شه‌فه‌ق نيوز/ هه‌ريه‌ك له‌ هادى عامرى ئه‌ميندار گشتى ريكخرياگ به‌در و قه‌يس خه‌زعه‌لى ئه‌ميندار گشتى جه‌ماعه‌ت عه‌سايب ئه‌هل هه‌ق، وه‌رپرسيارێتى ئى بارودوخه‌ ك وڵاته‌گه‌ وه‌پيه‌و گوزه‌ر ئه‌كا له‌ خوه‌ينيشانداينه‌يل وه‌رده‌وام خسته‌ مل ئه‌مريكا و ئسرائيل ك له‌تى سه‌دان كوشياگ و زه‌خمدار كه‌فته‌سه‌و.

 

عامرى له‌ لێدوانيگ هاوبه‌ش وه‌ل خه‌زعه‌لى له‌وه‌خت ته‌شيعكردن يه‌كيگ له‌ سه‌ركرده‌يل جه‌ماعه‌ت عه‌سايب ئه‌هل هه‌ق ك خوه‌ى و براگه‌ى له‌ پاريزگاى ميسان كوشيان وت: لايه‌نه‌يليگ هه‌ن ئه‌خوازن عراق وه‌ره‌و ئاژاوه‌ په‌لكيش بكه‌ن، ئاماژه‌ وه‌يه‌يش كرد تووڵه‌ى ئى خوينڕشيانه‌ له‌ ئه‌مريكاو ئسرائيل ئه‌كه‌يمه‌و.

 

لاى خوه‌ييشه‌و خه‌زعه‌لى له‌ لێدوانيگ وت: خوين ئه‌و شه‌هيد و قوربانيه‌يله‌ ك كه‌فته‌سه‌و له‌ وه‌رپرسيارێتى ئه‌مريكا و ئسرائيله‌و نايليم وڵاته‌گه‌مان وه‌ره‌و رميان بووريه‌ێد

FaceIraq
}