2018-12-09 06:31:00

شه‌فه‌ق نيوز/ هادى عامرى سه‌رۆك هاوپه‌يمانى فه‌تح و ئه‌ميندار گشتى ريكخرياگ به‌در، جه‌خت له‌وه‌ كرد ك ئيران ده‌خاڵه‌ت له‌ كاروبار عراقى كردگه‌ "ته‌نيا ئى جاره‌" نه‌دێ ك داواكاريه‌گه‌ى ره‌ته‌و كريا وه‌ هاوپه‌يمانى وه‌ل حه‌يده‌ر عه‌بادى سه‌رۆك ئئتلاف نه‌سر و سه‌رۆك وه‌رين حكومه‌ت،  ك داواكارييگ تر ته‌هران ره‌ته‌و كرد له‌ دوباره‌ دامه‌زراننه‌وه‌ى هاوپه‌يمانييگ شيعه‌ له‌ شيوه‌ى هاوپه‌يمان وه‌رين نيشتمانى.

 

عامرى وت: ترس له‌ كه‌س نيه‌ ك ئيران ده‌خاڵه‌ت ئه‌كا له‌ ئاراسته‌كردن ئامووژگارى ئه‌را هيزه‌يل سياسى شيعه‌و ئه‌وانه‌ خه‌م يه‌كه‌ميان ئه‌وه‌سه‌ هاوپه‌يمانييگ شيعه‌ بدێ ئه‌را زه‌مانه‌ت مافه‌يل شيعه‌ له‌ عرا و ده‌خاڵه‌ت ئه‌كه‌ن ئه‌را وه‌ديكردن له‌يه‌كڕه‌سينه‌وه‌ له‌ناونى هيزه‌يل.

 

عامرى وت: ئيران داوا له‌ليمان كردگه‌ هاوپه‌يمانى بكه‌يم وه‌ل عه‌بادى و ئيمه‌يش ره‌تيه‌و كرديم و داوايش كرد هاوپه‌يمانييگ شيعه‌ دروس بكريه‌ێد ئى جاره‌ به‌سه‌ هاوپه‌يمانى شيعه‌ جاريگ تر ناخوازيم.

 

جى باسه‌، عامرى هه‌ميش وت: ئى جاره‌ ده‌خاڵه‌ت سعوديه‌و ئه‌مريكا ده‌ركه‌فت و يه‌يش وه‌ ئاشكرا كار له‌بانى كريا له‌ دانيشتن ئوتێل بابل و كار ره‌سيه‌ هه‌ڕه‌شه‌كردن له‌ لايه‌نه‌يل سياسى و ئه‌گه‌ر وه‌راسى ده‌خاڵه‌تيگ بدێ له‌ كاروبار عراقى ئه‌وه‌ له‌لايه‌ن سعوديه‌و ئه‌مريكيه‌يليه‌و ئه‌كريه‌ێد.

YesIraq