2019-05-21 19:44:20

شه‌فه‌ق نيوز/ ئه‌نداميگ له‌ ليژنه‌ى دارايى نوێنه‌رايه‌تى ئاشكراى ته‌وه‌ره‌يل ميوانداريكردن هه‌ردوگ وه‌زير دارايى و بازرگانى حكومه‌ت ناوه‌ندى له‌لايه‌ن په‌رله‌مانه‌و كرد و ئاماژه‌ وه‌يه‌يش كرد به‌غدا مووچه‌ى كارمه‌نده‌يل هه‌رێم كوردستان ناوڕێد.

 

له‌ى باوه‌ته‌و، ماڵپه‌ڕ يه‌كێتى نيشتمانى له‌زووان شيروان ميرزا وت: ليژنه‌گه‌ وه‌ فه‌رمان سه‌رۆكايه‌تى ئه‌نجومه‌ن نوێنه‌ره‌يل ميواندارى هه‌ردوگ وه‌زير دارايى و بازرگانى له‌ حكومه‌ت ناوه‌ندى كردگه‌و دانيشتنه‌گه‌ 3 ته‌وه‌ر له‌خوه‌ى گرتگه‌.

 

ميرزا وت: ته‌وه‌ر يه‌كه‌م باس له‌ مه‌سه‌له‌ى راده‌س نه‌كردن نه‌فت ئه‌را كۆمپانياى سۆمۆ له‌لايه‌ن حكومه‌ت هه‌رێم كوردستان و ته‌وه‌ر دويه‌م گفتگوو لابه‌رى مادده‌ى خوه‌راك كارت ته‌موينى و چوينێتى دابه‌شكردنى و ته‌وه‌ر سێيه‌ميش باس له‌ هه‌قده‌سه‌يل دارايى جفتياره‌يل هه‌رێم كوردستان كرياگه‌ ئه‌را ساڵه‌يل 2014 و 2015 و 2016.

YesIraq