2019-05-16 10:17:34

شه‌فه‌ق نيوز/ له‌ژير ناونيشان "ئيران جوور عراق نيه‌" ئه‌ندريه‌ ريزتشيكۆف له‌ "فزغلياد" له‌باره‌ى ئه‌و جه‌نگه‌ نويساگه‌ ك ئه‌مريكا خوه‌ى ئاماده‌ كردگه‌ ئه‌راى دژ ئيران، هاوشيوه‌ى جه‌نگه‌گه‌ى دژ عراق.

 

له‌ باوه‌ته‌گه‌ى هاتگه‌: پنتاگۆن پلانيگ ئه‌را جيوازكردن 120 هه‌زار سه‌رباز ئه‌را خوه‌رهه‌ڵات ناوين داناگه‌ له‌ حاڵه‌تيگ ئه‌گه‌ر ئيران ده‌سكرده‌ په‌ره‌داين وه‌ چه‌كه‌ ئه‌تۆميه‌گه‌ى، ك جوور ئى شماره‌يشه‌ له‌ ساڵ 2003 بڵاو كريا ئه‌را جه‌نگ له‌بان عراق و دى وه‌و شيوه‌يشه‌ مه‌ترسى جه‌نگ فراوان له‌ ناوچه‌گه‌ زيايه‌و ئه‌دێ.

 

له‌ى باوه‌ته‌و، فيودۆر لوكيانۆف سه‌رۆك ده‌سه‌ى سه‌رۆكايه‌تى ئه‌نجومه‌ن سياسه‌ت خارجيه‌و وه‌رگرى، باس له‌وه‌ كرد ك گفتگوو له‌باره‌ى پرووسه‌ى سه‌ربازى دژ ئيران وه‌رده‌وامه‌ ئه‌را ماوه‌ى ساڵه‌يليگه‌و جۆرج ده‌بليۆ بۆش سه‌رۆك وه‌رين ئه‌مريكى گشتلايگ نزيكه‌و كرد له‌ پلان ئه‌را جه‌نگ له‌ ماوه‌ى گوزه‌يشت.

 

لوكيانۆف وت: دوياى بۆش دى باس وه‌ جددێ له‌بان جه‌نگ گه‌ورا وه‌ل ئيران نه‌كرياو ئيسه‌ باسه‌گه‌ له‌ ده‌ورگرد گرژه‌وكردن هه‌ڵوێسته‌گه‌ خوه‌ى دوينێد وه‌ل هه‌وڵ رخه‌وبردن ئيران و له‌خوه‌يگرتن هاوپه‌يمان له‌ خوه‌رهه‌ڵات ناوين و زوورم وڵاته‌يل عه‌ره‌بييش ئحساس وه‌ حيره‌ت و ناڕه‌حه‌تى ئه‌كه‌ن له‌ وه‌رانوه‌ر زيايبوين هيز ئيران، ك وه‌و خاتريشه‌ ئيچنه‌ ختابيگ واشنتۆن ئه‌و ده‌وڵه‌ته‌يله‌ ئه‌كشيێد وه‌ره‌و خوه‌ى ك وه‌ليا مه‌ترسى له‌ ئيران ديرن.

 

لوكيانۆف هه‌ميش وتگه‌: مه‌سه‌له‌ى 120 سه‌رباز چشتيگ تره‌، وه‌لێ وه‌نسبه‌ت ئه‌را پرووسه‌يل پڕ دقه‌ت ئى شماره‌ فريه‌س و له‌باوه‌ت هه‌ڵمه‌ت سه‌ربازييش وه‌ل داگيركارى ئه‌وه‌  چشتيگ نيه‌ چوينگه‌ ئيران وڵاتيگ وه‌هيزه‌و جوور عراق نيه‌و ئه‌وه‌كيش تائيسه‌ روێ ئه‌ياد گشتى جه‌نگ ده‌روينيه‌.

YesIraq
}