2019-05-15 19:17:20

شه‌فه‌ق نيوز/ له‌ شيه‌وكردنيگ له‌ رووژنامه‌ى واشنتۆن پۆست له‌ژير ناونيشان "جه‌نگ وه‌ل ئيران جوور جه‌نگ عراق نيه‌ به‌ڵكوو خراوتره‌" ئاده‌م تيلۆر نويسه‌ر باس له‌وه‌ كردگه‌ ك هه‌رچه‌نى له‌ روخساره‌و جوور يه‌كن، وه‌لێ جه‌نگ وه‌ل ئيران ته‌نيا دوباره‌كردنه‌وه‌ى جه‌نگ ساڵ 2003 له‌ عراق نيه‌، به‌ڵكوو فريه‌ جياوازه‌ له‌ڕويه‌يل فريه‌يگ و بيگومان خراوتريشه‌.

 

نويسه‌ره‌گه‌ وتگه‌ ئيران وه‌ چه‌واشه‌ى عراق، هيز ده‌ريايى و مه‌رزه‌يل فراوان ديرێد له‌بان ده‌رياى قه‌زوين وه‌ره‌و باكوور و له‌ كه‌نداو و كه‌نداو عومان وه‌ره‌و باشوور و به‌شداريشه‌ له‌ مه‌رزه‌يل ده‌يشتايه‌گه‌ى وه‌ل شماره‌يگ له‌ هاوپه‌يمانه‌يل ناڕه‌حه‌تگه‌ر وڵاته‌يل يه‌كگرتگ جوور ئه‌فغانستان و پاكستان و توركيا و عراق و يه‌يش ئه‌دێده‌ هووكار به‌سيان ته‌نگ هورمز ك سێكوتى كه‌شتيه‌يل جيوازكه‌ر نه‌فت جه‌هانى له‌ليه‌و گوزه‌ر ئه‌كه‌ن و ئه‌دێده‌ هووكار داوه‌زين هه‌نارده‌ى نه‌فتى وه‌ نزيكه‌ى 30%.

 

جى باسه‌، نويسه‌ره‌گه‌ هه‌ميش وتگه‌: هه‌رچه‌نى ئيران فريه‌ له‌ وڵاته‌يل يه‌كگرتگ كزتره‌ له‌ڕوێ سه‌ربازييه‌و، وه‌لێ ئه‌را ماوه‌ى دريژيگه‌ ستراتيجيه‌تيگ له‌وه‌ر گرتگه‌ ك شايه‌ت بتويه‌نێد زه‌ره‌د گه‌ورايگ وه‌ به‌رژه‌وه‌نديه‌يل ئه‌مريكا بڕه‌سنێد له‌ ناوچه‌گه‌.

 

YesIraq