2019-05-03 10:58:39

شه‌فه‌ق نيوز/ مه‌حما خه‌ليل قايمقام قه‌زاى شه‌نگاڵ داوا له‌ عادل عه‌بدولمه‌هدى سه‌رۆك حكومه‌ت عراقى كرد ياسا بچه‌سپنێد و سه‌روه‌رى ته‌واويگ ئه‌را قه‌زاگه‌ بارێده‌و له‌ پاريزگاى نه‌ينه‌وا.

 

خه‌ليل له‌ باسيگ ئه‌را شه‌فه‌ق نيوز وت: هيزه‌يل پارت كارگه‌ره‌يل كوردستان (په‌كه‌كه‌) سه‌رپيچيه‌يل فريه‌يگ له‌بان مه‌ردم شه‌نگاڵ و كارمه‌نده‌يل و كه‌ره‌سه‌يل شاره‌وانى له‌ورا ئه‌نجام ئه‌يه‌ن و ياسايه‌يل ئه‌ڵڵاجه‌وييگ دانه‌ێد، ك بايه‌سه‌ حكومه‌ت هاوكارى بكاو بڕه‌سێده‌ هاناى مه‌ردم قه‌زاگه‌ ئه‌را قورتاركردنى له‌ده‌س ئه‌و حزبه‌ وه‌هه‌ر شيوه‌يگ له‌ شيوه‌يل.

 

خه‌ليل هه‌ميش وت: مه‌ردم و ده‌سڵات قه‌زاى شه‌نگاڵ ئاماده‌ن ك ده‌سڵات ناوه‌ندى و هێزه‌يل عراق وه‌فه‌رمى پرووسه‌ى چه‌سپانن ياسا و جيوه‌جيكردنى ئه‌نجام بيه‌ن له‌وه‌ر خاتر هاوردنه‌وه‌ى ماف مه‌ردمه‌گه‌و هاوردنه‌وه‌ى ئاواره‌يل و داناين نه‌خشه‌يگ ئه‌را ئاينده‌، ك وه‌و خاتريشه‌ بايه‌سه‌ هيزه‌يگ هاوبه‌ش له‌ سوپاى عراقى و هيزه‌يل پێشمه‌رگه‌ دامه‌زريه‌ێد ئه‌را مقه‌يه‌تيكردن شه‌نگاڵ و قورتاركردنى .

YesIraq