2019-03-20 07:38:00

شه‌فه‌ق نيوز/ باڵيۆزخانه‌ى ئه‌مريكى له‌ به‌غدا، ئاشكراى ئه‌وه‌ كرد شانديگ له‌ ليژنه‌ى هيزه‌يل چه‌كدار له‌ كۆنگرس له‌ 18 و 19ى ئى مانگ ئاداره‌ سه‌ردان به‌غداو هه‌ولێر كردگه‌ ئه‌را تاوتووێكردن په‌يوه‌نديه‌يل ئه‌مريكى - عراقى.

 

باڵيۆزخانه‌گه‌ له‌ به‌ياننامه‌يگ ئه‌را شه‌فه‌ق نيوز وت: ئه‌ندامه‌يل له‌ كۆنگرس ئه‌مريكى ك پيكهاتنه‌ له‌ (جۆن گاراماندى و ديد هالاند و فيرونيكا ئسكۆبار) له‌ حزب ديموكراتيخوازه‌يل ئه‌مريكى له‌ به‌غدا چه‌ويان كه‌فته‌سه‌ عادل عه‌بدولمه‌هدى سه‌رۆك وه‌زيره‌يل و محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل عراقى و چه‌ويانيش كه‌فته‌سه‌ نێچيروان بارزانى سه‌رۆك وه‌زيره‌يل هه‌رێم كوردستان و قوباد تاڵه‌بانى جيگرى له‌ هه‌ولێر.

 

به‌ياننامه‌گه‌ وت: ئه‌ندامه‌يل كۆنگرس باس له‌ په‌يوه‌نديه‌يل ناونى وڵاته‌يل يه‌كگرتگ و عراق و ئاينده‌ى هاوكارى دويه‌لايه‌نى كردنه‌و له‌وانه‌يش زه‌مانه‌ت راوناين هه‌ميشه‌يى ريكخرياگ داعش و رۆڵ وڵاته‌يل يه‌كگرتگ له‌ پيشكه‌شكردن راوێژ ئه‌را هيزه‌يل عراقى و مه‌شقداينيان.

 

جى باسه‌، به‌ياننامه‌گه‌ يه‌يش ده‌رخست ك شاند ئه‌مريكا جه‌خت له‌ كار هاوبه‌ش كردنه‌ وه‌ل هيزه‌يل ئه‌منى عراقى و و وتنه‌ بايه‌سه‌ هيزه‌يل سه‌ربازێ ئه‌مريكى له‌ عراق بمينێد جوور به‌شيگ له‌ هاوپه‌يمان ناوده‌وڵه‌تى ئه‌را له‌ناوبردن داعش.

YesIraq