2018-10-23 16:21:00

شه‌فه‌ق نيوز/ وه‌زاره‌ت خارجيه‌ى عراقى، جه‌خت له‌وه‌ كرد شانديگ سوورى له‌ ماوه‌ى چه‌ن رووژيگ تر ئاينده‌ سه‌ردان عراق ئه‌كا له‌وه‌ر تاووتويكردن ئاماده‌كاريه‌يل ئه‌را وازكردن ده‌روازه‌ى ئه‌لبوكه‌مال مه‌رزێ له‌ناونى هه‌ردوگ ده‌وڵه‌ت.

 

ئه‌حمه‌د مه‌حجوب قسه‌كه‌ر وه‌ناو خارجيه‌ى عراقى وت: شانديگ ته‌كنيكى سوورى وه‌ سه‌رۆكايه‌تى ده‌سميه‌تده‌ر وه‌ليد موعه‌لم وه‌زير خارجيه‌ى سووريا دانيشتنيگ ته‌كنيكى ئه‌نجام ئه‌ياد له‌وه‌ر ئاماده‌كاريه‌يل و ئاسانه‌وكردن مه‌سه‌له‌ى وازكردن ده‌روازه‌گه‌.

 

مه‌حجوب يه‌يش ده‌رخست ك شانديگ عراقى وه‌ سه‌رۆكايه‌تى ئبراهيم جه‌عفه‌رى له‌وه‌خت سه‌ردانه‌گه‌ى له‌ هه‌فته‌ى گوزه‌يشت ئه‌را ديمه‌شق گه‌شبينى به‌غدا ده‌رخستگه‌ له‌ وه‌رانوه‌ر مه‌سه‌له‌ى وازكردن ئه‌و ده‌روازه‌ له‌ناونى هه‌ردوگ پاريزگاى دێره‌زۆر سوورى و ئه‌نبار عراقى.

YesIraq