2019-05-01 09:45:17

شه‌فه‌ق نيوز/ تارق حه‌رب شاره‌زاى ياسايى، باس له‌وه‌ كرد لاوردن ئه‌نجومه‌ن پاريزگا وه‌ بڕيار په‌رله‌مانى هه‌وه‌جه‌ وه‌ هووكاره‌يليگ ديرێد، وه‌لێ لاوردن ئه‌نجومه‌ن پاريزگا وه‌ ياسا هه‌وه‌جه‌ وه‌ هووكار نه‌يرێد.

 

حه‌رب له‌ به‌ياننامه‌يگ وت: په‌رله‌مان ده‌سپيشخه‌رى نه‌يرێد ئه‌را لاوردن ئه‌نجومه‌ن پاريزگا وه‌ بريار و ياسا وه‌بى پيشكه‌شكردن داواكارى له‌لايه‌ن سێكوتى ئه‌ندامه‌يل په‌رله‌مان يا داواكارى پاريزگار له‌وه‌ختيگ كيشه‌ى فريه‌يگ بدێ له‌ كاره‌يل و ئه‌ريكه‌يل راسپارياى ئه‌راى يا چه‌واشه‌كردن ده‌ستوور يا له‌ده‌سداين سێكوتى ئه‌ندامه‌يل له‌ مه‌رجه‌يل ئه‌ندامێتى ئه‌نجه‌مه‌ن پاريزگا وه‌گوورى ماده‌ى (20) له‌ ياساى پاريزگايه‌يل شماره‌ 21 ساڵ 2008 وه‌رده‌وام.

 

حه‌رب باس له‌وه‌يش كرد حاڵه‌ته‌يل گوزه‌يشته‌ ئه‌گه‌ر په‌رله‌مان لاوردن ئه‌نجومه‌ن پاريزگا له‌خوه‌ێ بگرتياد هه‌ر بايه‌سه‌ مه‌رجه‌يليگ پيشوه‌خته‌ بوياتاد تا په‌رله‌مان بتويه‌نستياد ئه‌و كاره‌ ئه‌نجام بيه‌ێد، وه‌لێ ئه‌گه‌ر په‌رله‌مان وه‌گووره‌ى ياسا بتوايد ئه‌نجومه‌ن پاريزگا لاوه‌ێد ئه‌وه‌ هه‌وه‌جه‌ وه‌ بايه‌سه‌ وه‌ ياسا بكريه‌ێد.

YesIraq